Вы тут

Не багі гаршкі абпальваюць...


...а ўдзельнікі шостага міжнароднага пленэру ганчароў, які нядаўна прайшоў у вёсцы Гарадная Столінскага раёна.


Ім, прызнаным і тытулаваным майстрам і мастакам-керамістам з Беларусі, Расіі, Украіны, Польшчы, дапамагаў, а часам і падказваў малавядомы шырокаму колу знаўцаў ганчарнага рамяства, але нястомны прадаўжальнік гліна-вогненнай справы Рыгор Кавалька. Руплівы захавальнік традыцыйнага «гарадэнскага» ганчарства забяспечваў пленэрыстам тэхнічны фронт: капаў і замешваў гліну, «варыў» паліву і абліваў ёю новы посуд, зроблены ўдзельнікамі. Нарэшце, распальваў горн — спецыяльную печ для абпальвання, кантраляваў тэмпературны рэжым апошняй стадыі тэхналагічнага працэсу. Пленэр праводзіўся на базе Цэнтра ганчарства, у якім Рыгор Іосіфавіч шмат гадоў працуе кіраўніком дзіцячага гуртка. Побач з ім на пленэры працаваў і малады ганчар, аднавясковец, вучань, а цяпер і калега — Іван Шэлест.

У Гарадную па традыцыі прыязджаюць прадстаўнікі розных ганчарных і керамічных мастацкіх школ. Сёлета сярод удзельнікаў была і заслужаны дзеяч культуры Маскоўскай вобласці, жыхарка Балашыхі, знаны кераміст Вольга Шоніна. Яна другі раз на пленэры, называе гараднянскую гліну асаблівай. З ёй згодныя іншыя ўдзельнікі: гліна з-пад Гарадной — сапраўдная з'ява, кажуць. Гэты натуральны матэрыял і вызначыў спрадвечны лёс вёскі.

— Задача міжнароднага пленэру — спрыяць аднаўленню традыцый Гарадной, — зазначае ідэйная стваральніца і куратар ганчарных форумаў, загадчыца аддзела традыцыйнай культуры Брэсцкага абласнога грамадскага цэнтра Ларыса Быцко.

Анатоль КЛЯШЧУК

Фота аўтара

Выбар рэдакцыі

Жыллё

Арэндная стаўка на здымнае жыллё працягвае зніжацца

Арэндная стаўка на здымнае жыллё працягвае зніжацца

Свежасць раёна, кватэры з новай планіроўкай — гэтыя фактары сёння маюць ключавое значэнне.

Адукацыя

У фокусе — прафесійная адукацыя

У фокусе — прафесійная адукацыя

Кіраўнікі адукацыйных ведамстваў упэўнены, што супрацоўніцтва ў сферы адукацыі з’яўляецца важным фактарам для ўстойлівага сацыяльна-эканамічнага развіцця дзвюх краін.

Грамадства

«Шэрая» зарплата — сумныя вынікі

«Шэрая» зарплата — сумныя вынікі

Што губляюць работнік і дзяржава?