Аварыя ў Лельчыцкім раёне адбылася ранкам. У ёй пацярпелі два непаўналетнія жыхары аграгарадка Дзяржынск.
Па інфармацыі УСК па Гомельскай вобласці, два родныя браты 15 і 16 гадоў ехалі на матацыкле па гравійнай дарозе ў лясным масіве. На закругленні двухколавы транспартны сродак выехаў на паласу сустрэчнага руху і сутыкнуўся з трактарам, за рулём якога быў жыхар Брэсцкай вобласці. У выніку дарожна-транспартнага здарэння непаўналетнія ў цяжкім стане былі дастаўлены ў бальніцу. Ужо ўстаноўлена, што матацыкл належаў айчыму хлопцаў. Транспартны сродак не зарэгістраваны, тэхагляд ён не праходзіў, страхавога пасведчання таксама няма. Апроч таго, браты не мелі права кіравання транспартнымі сродкамі. Следчыя ўстанаўліваюць абставіны аварыі, у тым ліку тое, хто з пацярпелых кіраваў матацыклам.
Сяргей РАСОЛЬКА
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.