Напярэдадні Дня беларускага пісьменства ў горадзе Іванава адчыніла дзверы новая кніжная крама ААТ “Белкніга”.
З гэтай нагоды, а таксама для таго, каб пазнаёміць жыхароў горада з сучасным беларускім літаратурным працэсам, супрацоўнікі крамы “Верасень” ініцыявалі сустрэчы з айчыннымі пісьменнікамі і прадстаўнікамі выдавецтваў. Вось і Выдавецкі дом “Звязда” не застаўся ў баку і прыехаў у горад-гаспадар Дня пісьменства-2018, каб прэзентаваць свае дзіцячыя кнігі.
Канешне, не ўсе адразу, а толькі дзве: “Дзяўчынка і кракадзіл” Паўла Гушынца – іранічныя гісторыі пра дзяўчынку Соню і яе чатырохлапага сябра – і “Незвычайныя прыгоды” Міхаіла Дзеравянкі – зборнік казак пра медзведзяня Мішутку і яго сяброў. Паслухаць, што ж такого цікавага напрыдумлялі аўтары, прыйшлі і дарослыя, і дзеці. Мяркуючы па ўсім, пісьменнікам удалося зацікавіць гасцей сустрэчы: шмат хто з наведвальнікаў пакідаў краму з кніжкамі ў руках і ўсмешкамі на тварах.
Алена Карпенка
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
