Вы тут

Пажыць і папрацаваць у... манастыры


Рэспубліканская дабрачынная акцыя «Аднаўленне святынь Беларусі» гэтым разам скіравалася ў Смалявіцкі раён, дзе валанцёры БРСМ добраўпарадкуюць тэрыторыю Лядзенскага Свята-Благавешчанскага мужчынскага манастыра.


Сюды прыехалі студэнты БДУІР. Цягам тыдня маладыя людзі будуць і жыць і працаваць менавіта тут, у сценах манастыра, што, як чакаецца, дапаможа ім бліжэй пазнаёміцца з гісторыяй святыні. Валанцёры, апроч добраўпарадкавання тэрыторыі, аказваюць дапамогу ў сельскагаспадарчых работах.

Нагадаем, што дабрачынны праект «Аднаўленне святынь Беларусі» рэалізуецца ў краіне з 2013 года. Валанцёрскі рух «Добрае Сэрца» сумесна з асноўнымі канфесіямі праводзіць працоўныя акцыі, скіраваныя на добраўпарадкаванне і аднаўленне храмаў, манастыроў, свяцілішчаў, прыдарожных крыжоў, святых крыніц, арганізуе адкрытыя дыялогі духоўна-маральнай накіраванасці, распрацоўвае новыя экскурсійныя маршруты «Святыні Беларусі».

Акрамя дапамогі Лядзенскаму Свята-Благавешчанскаму мужчынскаму манастыру ў Смалявіцкім раёне, сёлета валанцёры «Добрага Сэрца» задзейнічаны ў добраўпарадкаванні тэрыторый храма ў гонар Сабора Усіх Беларускіх Святых у Гродне, Свята-Траецкага Маркавага мужчынскага манастыра ў Віцебску, храма іконы Божай Маці «Збавіцелька» ў Жодзіне і многіх іншых.

Арганізатарамі акцыі выступаюць БРСМ, Апарат Упаўнаважанага па справах рэлігій і нацыянальнасцяў, рэлігійныя арганізацыі Беларусі.

Летась з актыўным удзелам валанцёраў БРСМ добраўпарадкаваны 283 культавыя аб'екты.

Сяргей РАСОЛЬКА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».