Вы тут

Рост заробкаў матывуе педработнікаў да павышэння якасці адукацыі


Рост заробкаў матывуе педработнікаў да павышэння якасці адукацыі. Такой думкі прытрымліваюцца ў галоўным адукацыйным ведамстве краіны.


Нагадаем, што з 1 верасня тарыфныя стаўкі (аклады) педагагічных работнікаў і памочнікаў выхавальнікаў узрастаюць на 20 %. «Гэта дасць магчымасць павысіць узровень аплаты працы, забяспечыць матэрыяльную падтрымку работнікаў адукацыі, паменшыць адток кадраў і матываваць педагагічных работнікаў да павышэння якасці адукацыі», — падкрэсліваюць у міністэрстве.

Выступаючы ў нядзельным эфіры тэлеканала АНТ, міністр адукацыі Ігар Карпенка праінфармаваў, што ўжо прапрацаваныя паэтапныя крокі павышэння заробкаў педагогаў на 2019—2020 гады. Гэта датычыцца і прафесарска-выкладчыцкага складу — адпаведнае даручэнне было дадзена кіраўніком дзяржавы на ІІ З'ездзе вучоных.

У краіне створана рабочая група па распрацоўцы комплексных мерапрыемстваў па ўдасканаленні аплаты прафесарска-выкладчыцкага складу, павышэнні зацікаўленасці ў выніках педагагічнай і навуковай дзейнасці. У цэнтры ўвагі знаходзяцца таксама стыпендыі аспірантаў і дактарантаў, бо ні для кога не сакрэт, што калі выкладчык ВНУ ідзе вучыцца ў дактарантуру, то атрымлівае стыпендыю, нашмат меншую за яго заробак на выкладчыцкай пасадзе, таму жаданне займацца падрыхтоўкай доктарскай работы адразу знікае.

«Наша група на чале з прафесарам Уладзімірам Шымавым, рэктарам Беларускага дзяржаўнага эканамічнага ўніверсітэта, адпрацавала падыходы па стымуляванні навуковых работнікаў, аспірантаў, дактарантаў», — удакладніў Ігар Карпенка.

Надзея НІКАЛАЕВА

Загаловак у газеце: Кадры і якасць адукацыі

Выбар рэдакцыі

Грамадства

Палеская Амазонка, або Веснавая паводка на Прыпяці

Палеская Амазонка, або Веснавая паводка на Прыпяці

Там, дзе сонца агнёвымі крыллямі Хоча слёзы балота выпіць, Шэпча хвалямі ціха гуллівымі

Грамадства

Шчаслівыя разам, або Формула кахання ад маці шасцярых сыноў

Шчаслівыя разам, або Формула кахання ад маці шасцярых сыноў

Крысціна Пасечнік вырасла ў сям’і цыркавых артыстаў. Дзяцей у такіх сем’ях звычайна раз, два і ўсё. Але ў Бога на яе конт былі іншыя планы.

Грамадства

Жанчыны «Нашай раніцы» на АНТ: лэдзі-бос, жанчына-агонь і дзяўчына-мара

Жанчыны «Нашай раніцы» на АНТ: лэдзі-бос, жанчына-агонь і дзяўчына-мара

Аб тэлебачанні, сям'і, сакрэтах прыгажосці, здароўя і добрага настрою.

Грамадства

Тэст. Беларускія жанчыны: імя ў гісторыі

Тэст. Беларускія жанчыны: імя ў гісторыі

Праверце, ці шмат вы пра іх ведаеце.