Вы тут

Паспяховыя старты ў Мехіка


Прэзідэнт Беларусі Аляксандр Лукашэнка павіншаваў членаў нацыянальнай каманды Беларусі па сучасным пяцібор'і Настассю Пракапенку і Ірыну Прасянцову з выдатным выступленнем на чэмпіянаце свету па сучасным пяцібор'і ў Мехіка, паведаміла прэс-служба беларускага лідара.


«Залаты медаль Настассі ў асабістым алімпійскім відзе праграмы і ваша сумесная перамога ў эстафеце пацвярджаюць высокі ўзровень айчыннай школы сучаснага пяцібор'я. «Вы — малайцы! — гаворыцца ў віншаванні. — Як і шматлікія беларускія балельшчыкі, спадзяюся, што нашы прадстаўнікі гэтага віду спорту гэтак жа ярка і паспяхова выступяць на Алімпіядзе ў Токіа ў 2020 годзе».

Кіраўнік дзяржавы пажадаў спартсменкам і ўсёй камандзе моцнага здароўя і ўдачы.

Дарэчы, лідару зборнай Беларусі па сучасным пяцібор'і Настассі Пракапенцы ўчора ўручана бронзавая ўзнагарода Алімпіяды 2008 года ў Пекіне.

У сталіцы Кітая дзесяць гадоў таму беларуска заняла чацвёртае месца, саступіўшы трэцяе месца на п'едэстале ўкраінцы Вікторыі Церашчук. Аднак допінг-проба ўкраінскай спартсменкі пасля пераправеркі аналізаў дала станоўчы вынік на анабалічныя стэроіды.

У адпаведнасці з рашэннем Міжнароднага алімпійскага камітэта ўзнагарода перададзена прадстаўніцы Беларусі Настассі Пракапенцы.

Уручэнне медаля адбылося падчас чэмпіянату свету па сучасным пяцібор'і ў Мехіка (Мексіка), дзе спартсменка заваявала «золата» ў асабістым заліку і жаночай эстафеце. Такім чынам, у медальнай скарбонцы Беларусі ў Пекіне-2008 стала 14 узнагарод (3—4—7).

Выбар рэдакцыі

Адукацыя

Ірына Старавойтава: За гады суверэнітэту ў Беларусі сфарміравалася свая школа стварэння падручнікаў

Ірына Старавойтава: За гады суверэнітэту ў Беларусі сфарміравалася свая школа стварэння падручнікаў

«Для таго, каб стаць падручнікам, матэрыялы, падрыхтаваныя аўтарамі, праходзяць шмат этапаў экспертызы, абмеркаванняў на дыялогавых пляцоўках з педагогамі, узгадненняў, апрабацыю ва ўстановах адукацыі». 

Рэгіёны

З чым едзе Брэстчына на сёлетні Форум рэгіёнаў

З чым едзе Брэстчына на сёлетні Форум рэгіёнаў

Вобласць падрыхтавала ладны пакет прапаноў удзельнікам форуму.

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.