Вы тут

Дэлегацыя армянскага парламента пабывала ў Брэсце


Парламенцкая дэлегацыя Арменіі на чале з віцэ-спікерам Эдуардам Шармазанавым спачатку наведала Брэсцкую крэпасць, дэпутаты ўшанавалі памяць яе абаронцаў. Дарэчы, тры гады таму віцэ-спікер урачыста адкрыў у Брэсце хачкар (каменную стэлу-крыж) у памяць аб загінулых воінах-армянах.


Госці з Арменіі таксама наведалі шэраг брэсцкіх прадпрыемстваў. Падчас сустрэчы ў абласным Савеце дэпутатаў абмеркавалі шляхі супрацоўніцтва паміж Арменіяй і самым заходнім рэгіёнам нашай краіны. Старшыня Брэсцкага абласнога Савета дэпутатаў Юрый НАРКЕВІЧ адзначыў, што сёлета за першае паўгоддзе тавараабарот Брэстчыны з Арменіяй склаў больш за 1,7 мільёна долараў і ўзрос у параўнанні з леташнім на 35 працэнтаў. У паўднёвую краіну пастаўляюцца ад нас мяса-малочная прадукцыя, мэбля, цацкі і іншыя тавары. У вобласці дзейнічае адно прадпрыемства з армянскім капіталам. Акрамя вытворчай сферы і сельскай гаспадаркі, у якасці перспектыўных кірункаў супрацоўніцтва быў абмеркаваны турызм.

Святлана ЯСКЕВІЧ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».