Вы тут

Зарплата педагагічных работнікаў да 2025 года павінна павялічыцца ўдвая


Пра гэта на прэс-канферэнцыі, прысвечанай Дню настаўніка, паведаміла начальнік аддзела аплаты працы і нармавання штатнай колькасці галоўнага ўпраўлення эканомікі адукацыі Міністэрства адукацыі Наталля КРЫВАЛАПАВА.


За восем месяцаў бягучага года сярэдняя заработная плата педагагічных работнікаў у краіне раўнялася 714,2 рубля, што складае 77 % ад сярэдняй зарплаты па краіне. Сярэдні заробак настаўнікаў склаў 759,4 рубля (81,8 % ад сярэдняй зарплаты па краіне).

— У мэтах выканання даручэнняў Прэзідэнта ўжо з 1 верасня гэтага года ўсім педагагічным работнікам, у тым ліку і настаўнікам, устаноўлена павышэнне тарыфных акладаў у памеры 20 %. Гэта дазволіла павялічыць сярэднюю заработную плату настаўніка ў сярэднім на 42 рублі, або на 8,9 %, — паведаміла Наталля Крывалапава. — З 1 кастрычніка ў сувязі з павелічэннем тарыфнай стаўкі першага разраду да 35,5 рубля заработная плата педагагічных работнікаў і настаўнікаў павялічылася ў сярэднім на 22,7 рубля, або на 4,4 %.

Павышэнне заробкаў працягнецца і ў 2019 годзе. «Ва ўрадзе зараз разглядаецца праект аб паэтапным павышэнні заработнай платы педагагічных работнікаў, які расцягнецца на шэсць гадоў, — праінфармавала спецыяліст. — Адзін з этапаў павышэння запланаваны на 2019 год — ён прадугледжвае ўстанаўленне галіновых павышэнняў педагагічным работнікам. Аднак аб канкрэтных памерах казаць пакуль рана».

Таксама плануецца, што з 1 студзеня 2019 года ўсе ўстановы агульнай сярэдняй адукацыі ў краіне пяройдуць на новы метад фінансавання: яны будуць атрымліваць фінансаванне па нарматыве з разліку на аднаго вучня. Спецыяліст міністэрства запэўнівае, што так будзе забяспечана справядлівасць і празрыстасць фінансавання.

— Кожная школа атрымае бюджэтныя сродкі па нарматыве ў залежнасці ад колькасці навучэнцаў у ёй. Зараз у нас дзейнічае каштарыснае фінансаванне: разлік заробку адштурхоўваецца ад колькасці класаў у школе і ніяк не залежыць ад колькасці навучэнцаў у іх, а ў класе можа быць і 30, і 15, і 5 чалавек, — падкрэслівае Наталля Крывалапава. — Фінансаванне, якое залежыць ад колькасці вучняў, паставіць усе ўстановы адукацыі ў роўныя ўмовы.

Зараз у Беларусі працуе 3038 устаноў агульнай сярэдняй адукацыі (школы, гімназіі, ліцэі), у якіх налічваецца больш за 1 мільён навучэнцаў. Адукацыйны працэс забяспечваюць каля 119 тысяч педагагічных работнікаў, у тым ліку каля 99 тысяч настаўнікаў. Да працы з 15 жніўня ва ўстановах адукацыі прыступілі больш за 4,6 тысячы маладых спецыялістаў.

Надзея НІКАЛАЕВА

Загаловак у газеце: План на шасцігодку

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.