Вы тут

Бізнес на дарах прыроды


Ураджай на яблыкі сёлета асабліва багаты, і шмат хто хацеў на іх зарабіць. Але цана ад спажыўкааперацыі — 5 капеек за кілаграм — расчаравала. Гэта ж цэлую тону трэба назбіраць, каб атрымаць 10 рублёў. У выніку частка ўраджаю так і засталася гніць на прысядзібных участках. Крыўдна.


— Згодны, 5 капеек за кілаграм — гэта не цана, але ж тут не ўсё ад нас залежыць, — кажа начальнік аддзела нарыхтовак, ЗЭД і рынкаў Магілёўскага аблспажыўсаюза Аляксей Сіроцін. — Быў перыяд, калі перапрацоўшчыкі прымалі яблыкі па 9 капеек за кілаграм, а мы трымалі вельмі высокую планку — 7 капеек. Гэта з улікам таго, што са свайго даходу (з тоны атрымлівалі ўсяго 20 рублёў) плацілі заработную плату нарыхтоўшчыкам і неслі адчувальныя транспартныя выдаткі. Бо прыйшлося добра пакалясіць па вёсках. Да таго ж мінімальная цана распаўсюджваецца толькі на яблычны апад. Таварны яблык мы прымаем па цане 30 капеек за кілаграм. Але ў гэтым выпадку павінны быць яблычак да яблычка. Насельніцтва ж часцей за ўсё прапануе першы варыянт. Такія яблыкі хутка гніюць, і іх каштоўнасць падае на вачах. Перад тым, як устанавіць канкрэтную суму, мы заўсёды аналізуем кан'юнктуру рынка. Калі летась яблыкаў не было і перапрацоўшчыкі гатовы былі браць іх па 20 капеек за кілаграм, мы і арыентаваліся на гэтыя расцэнкі.

Па сутнасці, кожны з нас сам сабе гаспадар. Тыя, хто не паленаваўся зняць ураджай і самастойна прадаць яго на рынку, не прайгралі. Найбольш апетытныя, буйныя і наліўныя плады ішлі па рублі і болей за кілаграм.

Цана — паняцце адноснае.

Але калі ацэньваць, колькі насельніцтва атрымала ад спажыўкааперацыі грошай за сваю садавіну-агародніну і другасную сыравіну, лічба атрымаецца больш важкая. У Магілёўскай вобласці за 9 месяцаў здатчыкам выплачана больш за 20 мільёнаў (!) рублёў.

— Мы пастаянна нешта купляем у вяскоўцаў. Тых жа яблыкаў на 3 кастрычніка нарыхтавалі больш за 16 тысяч тон — 157 % да ўзроўню мінулага года на такі ж перыяд. І гэта пры тым, што ставілі перад сабой задачу закупіць дзесьці каля 15 тысяч тон. Але нарыхтоўкі працягваюцца да сёння, — адзначае Аляксей Сіроцін.

Больш актыўна яблыкі закупляюць у Магілёўскім, Горацкім, Дрыбінскім, Кіраўскім раёнах. Горкі і Кіраўск наогул нарыхтавалі па 2 тысячы тон.

Нядрэнныя лічбы і па астатніх пазіцыях. Практычна па ўсіх леташнія аб'ёмы перавыкананыя. Агуркоў закуплена 1130 тон — 109 % у параўнанні з гэтым жа перыядам мінулага года, памідораў — 1023 тоны (114 %), капусты наогул 1778 тон (154 %), суніц садовых — 107 тон, чорных парэчак больш за 500 тон. Па вобласці прыём садавіны-агародніны вялі больш за 1000 крамаў, працавалі больш за 100 нарыхтоўшчыкаў.

Уся садова-лясная смаката часткова рэалізоўвалася праз гандлёвую сетку спажыўкааперацыі, а таксама ішла перапрацоўшчыкам і нават на экспарт. Напрыклад, з больш чым 350 тон закупленых чарніц больш як 80 % адправілася за мяжу. А гэта валюта для краіны.

Нарыхтоўкі між тым працягваюцца. Зараз акцэнт робіцца на журавіны. І цана прывабная — ад 3 рублёў за кілаграм.

Нэлі ЗІГУЛЯ

Выбар рэдакцыі

Культура

Пошук вечнага жыцця

Пошук вечнага жыцця

Шмат разоў, збочыўшы з брэсцкай трасы, праязджаючы ад Міра да Карэліч, царкву на могілках каля вёскі Загор'е выхопліваеш літаральна за лічаныя секунды.

Спорт

Ірына Курачкіна заваявала серабро Алімпійскіх гульняў!

Ірына Курачкіна заваявала серабро Алімпійскіх гульняў!

 У фінале спаборніцтваў па жаночай барацьбе яна ўступіла японцы Рысака Каваі. 

Грамадства

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Па заказе ЗАТ «Другі нацыянальны тэлеканал» — АНТ з 5 па 21 ліпеня Аналітычны цэнтр ЕсооМ з прыцягненнем фонду «Украінская палітыка» правёў

Палітыка

Літоўцы раскручваюць крывавую хвалю гвалту

Літоўцы раскручваюць крывавую хвалю гвалту

З беларуска-літоўскай граніцы працягваюць паступаць весткі, ад якіх проста кроў стыне ў жылах.