Вы тут

Да нас прыйшло «старое бабіна лета»


На гэтым тыдні асноўны ўплыў на надвор'е ў нашай краіне будуць аказваць антыцыклоны. Усталюецца цёплае і ў асноўным без ападкаў надвор'е з тэмпературным фонам на 2—6 градусаў вышэйшым за кліматычную норму, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


У аўторак умовы надвор'я будзе вызначаць вобласць павышанага ціску. Аблокаў стане менш, і паветра ў дзённыя гадзіны пачне прагравацца. Будзе пераважна без ападкаў. Максімальная тэмпература паветра складзе 10—16 цяпла. І ў сераду на надвор'е паўплывае антыцыклон. Будзе без ападкаў. Уначы і раніцай месцамі магчымы слабы туман. Тэмпература паветра ўначы складзе ад плюс 1 да плюс 8 градусаў, на тарфяніках Палесся месцамі чакаюцца слабыя замаразкі ад нуля да мінус 2 градусаў. Удзень будзе 13—19 цяпла.

Пагроза невялікіх замаразкаў захаваецца і ў чацвер. У гэты дзень будзе пераважна без ападкаў. Уначы і раніцай у асобных раёнах магчымы слабы туман. Тэмпература паветра ўначы складзе 2—9 цяпла, на тарфяніках Палесся месцамі чакаюцца слабыя замаразкі да нуля — мінус 2 градусаў. Днём тэмпература будзе знаходзіцца ў межах ад плюс 13 градусаў па паўночным усходзе да 20 цяпла па паўднёвым захадзе краіны.

Цяперашняе «старое бабіна лета» завітае да нас у пятніцу — нядзелю. З 12 да 14 кастрычніка будзе пераважна без ападкаў і цёпла. Уначы і раніцай месцамі магчымы туман. Тэмпература паветра ўначы складзе 3—8 цяпла, а ўдзень — ад плюс 13 да плюс 20 градусаў.

Другаснае пацяпленне, або бабіна лета, па навукова-народным тлумачэнні надыходзіць пасля значнага пахаладання і можа суправаджацца яшчэ адным цвіценнем некаторых раслін.

Сяргей КУРКАЧ

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?