Вы тут

Тэндэнцыя росту беларускага экспарту захоўваецца


Пра гэта журналістам расказаў міністр замежных спраў Беларусі Уладзімір Макей па выніках рабочай сустрэчы з кіраўніком дзяржавы.


Паводле яго слоў, Аляксандр Лукашэнка быў азнаёмлены з вынікамі работы Міністэрства замежных спраў у сферы знешнеэканамічнай дзейнасці. "Гэта наша галоўная задача, якой Прэзідэнт заўсёды ўдзяляе вялікую ўвагу. У цэлым было адзначана, што тэндэнцыя па росце экспарту захоўваецца. Па выніках года мы выйдзем, вядома ж, на станоўчы рэзультат. Праўда, ідзе некаторае запаволенне тэмпаў росту экспарту, але ў цэлым мы чакаем пазітыўныя вынікі па выніках года, звязаныя са знешнеэканамічнай дзейнасцю", — адзначыў кіраўнік знешнепалітычнага ведамства краіны.

Уладзімір Макей таксама адзначыў, што асаблівую ўвагу Прэзідэнт звярнуў на тое, каб "напружваліся ўсе" — і рэгіёны, і адпаведныя галіновыя міністэрствы, і, вядома ж, кіраўнікі замежных устаноў. Па выніках года будзе дадзена ацэнка кожнаму персанальна ў тым, што датычыцца выканання задач па экспарце беларускіх тавараў за мяжу.

Акрамя таго, Уладзімір Макей праінфармаваў Аляксандра Лукашэнку аб выніках удзелу кіраўніка МЗС у сустрэчы міністраў замежных спраў краін Еўрасаюза і Усходняга партнёрства, якая нядаўна прайшла ў Люксембургу. У прыватнасці, было даложана аб рабоце над тымі дакументамі, якія цяпер адпрацоўваюцца з Еўрапейскім саюзам, — гэта прыярытэты партнёрства, пагадненне аб аблягчэнні візавага рэжыму, аб рэадмісіі.

"У цэлым ёсць зрухі, прычым істотныя, па ўсіх дакументах. На жаль, не па нашай віне перыядычна з'яўляюцца новыя нюансы, якія патрабуюць дадатковага часу для аналізу, удакладненняў і прыняцця рашэнняў. Таму мы будзем спакойна працаваць над гэтымі дакументамі, зыходзячы з таго, што нашы нацыянальныя інтарэсы павінны быць выкананы. Але паўтаруся: зрухі ёсць, — падкрэсліў ён. — І ёсць дакладная ўстаноўка кіраўніка дзяржавы адносна працягу курсу на развіццё нармальных, у першую чаргу гандлёва-эканамічных, палітычных і гуманітарных, адносін з Еўрапейскім саюзам, які з'яўляецца нашым другім па важнасці гандлёва-эканамічным партнёрам".

Акрамя таго, Уладзімір Макей далажыў Прэзідэнту аб будучым графіку знешнепалітычных сустрэч, візітаў замежных прадстаўнікоў у Беларусь, а таксама візітаў кіраўніка дзяржавы за мяжу. Так, канец года ў гэтым плане ў Аляксандра Лукашэнкі абяцае быць насычаным.

Беларускаму лідару было дэталёва даложана аб падрыхтоўцы найбліжэйшага Форуму рэгіёнаў Беларусі і Украіны, які пройдзе 25–26 кастрычніка ў Гомелі. У рамках мерапрыемства плануецца падпісанне шэрагу пагадненняў, кантрактаў на некалькі дзясяткаў мільёнаў долараў. Па словах міністра замежных спраў, нявырашаных пытанняў у гэтым кірунку ў прынцыпе няма. У сваю чаргу беларускі лідар даручыў, каб гэтая падзея была арганізавана на найвышэйшым узроўні.

Яшчэ кіраўнік знешнепалітычнага ведамства ў сваім дакладзе праінфармаваў кіраўніка дзяржавы аб падрыхтоўцы да яшчэ аднаго важнага мерапрыемства — сустрэчы асноўнай групы Мюнхенскай канферэнцыі па бяспецы, якая адбудзецца 31 кастрычніка і 1 лістапада ў Мінску. Уладзімір Макей адзначыў, што свой удзел пацвердзілі шэраг высокапастаўленых асоб, сярод іх — прэзідэнты, прэм'ер-міністры, міністры замежных спраў, прадстаўнікі спецслужбаў, кіраўнікі аналітычных супольнасцяў. Паводле яго слоў, парадак дня вельмі актуальны: як пазбегнуць далейшага нагнятання канфрантацыі, якая сёння існуе ў рэгіёне. Аляксандр Лукашэнка ў сувязі з гэтым таксама даў адпаведныя даручэнні.

Уладзіслаў ЛУКАШЭВІЧ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».