Два гады таму журналісты «Звязды» віншавалі з дзевяностапяцігоддзем даўняга сябра нашай газеты пісьменніка, ганаровага грамадзяніна горада Любань, ветэрана вайны і працы Івана Муравейку. На пытанне пра ўласныя планы ён з гумарам выказаў сваю галоўную мэту: «Іду на 100!»
Быць у руху, заўжды заставацца ў вірлівым рэчышчы творчай працы, грамадскай работы — яго крэда. А што датычыцца лічбы 100 гадоў — гэта таксама яго мэта, абгрунтаваная перш за ўсё бязмежнай любоўю да сваёй малой радзімы, жыццёвым аптымізмам, адданасцю працы пісьменніка.
Днямі я зрабіў гэтыя фотаздымкі. У пісьменніка ветэрана па-ранейшаму безліч творчых планаў, шмат часу прысвячае ён таму, каб здзейсніць намечанае. Сваімі задумамі Іван Муравейка падзяліўся з метадыстам упраўлення па адукацыі, спорце і турызме Любанскага райвыканкама Таццянай Кругленяй і старшынёй Мінскага абласнога аддзялення Саюза пісьменнікаў Беларусі Святланай Быкавай.
З нагоды чарговага дня нараджэння найстарэйшага творцы ў пісьменніцкім саюзе (21 кастрычніка) звяздоўцы перадаюць яму пажаданні добрага здароўя, плёну ў творчасці, каб ён і далей упэўнена трымаў сваё пяро, як гэта бачна на фота!
Яўген ПЯСЕЦКІ
Фота аўтара
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
