Вы тут

Фота на трынаццатую. Як я не стала ветэрынарам


Пах фармаліну. Гукі аперацыйнай. Дрыжыкі і страх. Сабачыя вочы... Я два гады здымала пацыентаў ветэрынарнай клінікі — і зразумела, чаму не змагла стаць ветэрынарам.

Тры гады я вучылася ў Акадэміі ветэрынарнай медыцыны ў Віцебску. Але аднойчы, прыехаўшы пасля летніх вакацый, зразумела, што наўрад ці змагу стаць ветэрынарным лекарам. Сваю першую і адзіную аперацыю запомніла на ўсё жыццё. Нас прывезлі на ферму і сталі паказваць, як кастрыраваць маленькіх парасят. Віск. Пах сена, ежы і біялагічнага матэрыялу. Усе баяцца: і мы, і парасяты. Я пайшла першая — я ж стараста... Праз дзесяць гадоў вырашыла вярнуцца ў мінулае і зрабіць гісторыю пра ветэрынарную клініку. Знайшла Лёшу Саса, з якім вучылася. У яго свая клініка ў Мінску. Гэта сямейны бізнес. Лёша сказаў: «Без праблем, прыязджай!» Ён вельмі змяніўся — у добрым сэнсе. Стаў такім сапраўдным лекарам. Я глядзела на яго і думала: «Адкуль ён ведае, што трэба рабіць? Што трэба закладваць, што трэба рэзаць, што трэба калоць?» А ён проста браў — і прымаў рашэнні. Паміж прыёмам і аперацыямі пыталася Лёшу пра шчасце, мары і жыццё. «Шчасце... Мне нядаўна задавалі такое пытанне. Глабальнага азначэння няма. Сям'я, як бы прыгожа гэта ні гучала, — яна таксама дастае. Нягледзячы на тое, што я вельмі люблю сваю жонку і дачку. Шчасце — гэта мімалётны стан душы.... У нас сёння была скаладаная аперацыя: катэтар «паскакаў» унутр ката. Калі б не было эндаскапіі, была б іншая аперацыя. А так мы залезлі камерай у мачавы пухір, захапілі катэтар і дасталі. Прыгажосць. І настрой палепшыўся».


Таццяна ТКАЧОВА, г. Мінск, Ветэрынарная клініка «Сас Энімал Сэрвіс»

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.