Вы тут

Паслом Беларусі ў Расіі назначаны Уладзімір Сямашка


Аляксандр Лукашэнка вырашыў, хто будзе прадстаўляць інтарэсы Беларусі за мяжой.


Адным з найбольш чаканых было рашэнне па вакансіі ў Расіі. Уладзімір Сямашка быў назначаны Надзвычайным і Паўнамоцным Паслом Рэспублікі Беларусь у Расійскай Федэрацыі і па сумяшчальніцтве Паўнамоцным прадстаўніком Рэспублікі Беларусь пры Эканамічным савеце СНД і пры АДКБ, спецыяльным прадстаўніком Рэспублікі Беларусь па пытаннях інтэграцыйнага супрацоўніцтва ў рамках Саюзнай дзяржавы, ЕАЭС, СНД, АДКБ.

На сустрэчы з журналістамі Уладзімір Сямашка адзначыў, што Расія застаецца асноўным эканамічным партнёрам Беларусі. “У нас ні з адной краінай такога тавараабароту няма, як з Расіяй. У гэтым годзе, магчыма, будзе каля 35 мільярдаў долараў, — падзяліўся прагнозам дыпламат. — Тэмп росту тавараабароту паміж дзвюма краінамі сёлета ацэньваецца ў 16 %, але расце больш не экспарт, а імпарт. Гэта ў тым ліку звязана з цаной на нафту, праблемамі пастаўкі прадукцыі харчавання і гэтак далей”. Адмоўнае сальда з Расіяй і, як вынік, — знешняга гандлю ў цэлым — гэта галоўная эканамічная праблема, па меркаванні Уладзіміра Семашкі. 


Надзвычайным і Паўнамоцным Паслом Рэспублікі Беларусь у Рэспубліцы Індыя і па сумяшчальніцтве ў Дэмакратычнай Сацыялістычнай Рэспубліцы Шры-Ланка назначаны Андрэй Ржавускі. Ён адзначыў, што ў нас шмат магчымасцяў узаемадзейнічаць з Індыяй. “Наша прадукцыя там дастаткова запатрабаваная. Падчас назначэння Прэзідэнт у чарговы раз сказаў, што, маючы такія магчымасці для гэтай краіны, мы павінны пастарацца больш задзейнічаць наш патэнцыял і прапанаваць больш таго, што мы зараз туды пастаўляем”. У двухбаковых гандлёвых адносінах з Індыяй ідзе рост тавараабароту і экспарту. Дарэчы, зараз БЕЛАЗ удзельнічае ў тэндарах, якія праводзяцца ў Індыі. Андрэй Ржавускі разлічвае, што частку з іх мы выйграем.


Акрамя таго, кіраўнік дзяржавы назначыў Аляксандра Панамарова Надзвычайным і Паўнамоцным Паслом Рэспублікі Беларусь у Венгрыі і па сумяшчальніцтву ў Босніі і Герцагавіне.


Беларускую дыпмісію ў Сірыі ўзначаліць Юрый Слука. Ён таксама па сумяшчальніцтве будзе паслом Беларусі ў Іарданіі і Ліване.


Аляксандр Лукашэнка прапанаваў яшчэ раз паглядзець на паўнамоцтвы нашага пасла ў Расіі, каб ён мог больш эфектыўна вырашаць двухбаковыя пытанні. “Ён павінен валодаць надзвычайнымі паўнамоцтвамі, у яго павінен быць прамы доступ да Прэзідэнта ў любы час па тых пытаннях, якія датычаць нашых адносін з Расійскай Федэрацыяй”, — падкрэсліў кіраўнік дзяржавы. Уладзімір Сямашка плануе ў бліжэйшы час падвесці вынікі і ўнесці пэўныя прапановы, што трэба для таго, каб у поўным аб'ёме выконваць абавязкі.

Што тычыцца Сірыі, кіраўнік дзяржавы выказаў меркаванне, што рэальныя падзеі ў гэтай краіне часам перабольшваюць: "Я атрымліваю інфармацыю не толькі з СМІ. Думаю, што там можна працаваць, і ўмовы там для пасла не горш, чым у іншых краінах".

Аляксандр Лукашэнка асабліва падкрэсліў добрыя адносіны з сірыйскім Прэзідэнтам Башарам Асадам, з краінай у цэлым.

Звяртаючыся да новага пасла Індыі, Аляксандр Лукашэнка адзначыў: “Адпачываць не прыйдзецца: краіна такая, што нам трэба наладжваць з ёй больш цесныя адносіны. На ўзроўні высокім палітычныя кантакты ў нас добрыя, але гандлёва-эканамічны ўзровень супрацоўніцтва абсалютна не адпавядае нашым жаданням”. Прэзідэнт заўважыў, што шмат ідзе абмеркаванняў, а трэба больш актыўна рухацца.

У выніку Прэзідэнт падкрэсліў, што ўсе назначэнні паслоў вельмі важныя: тут ёсць і глабальныя інтарэсы, і магчымасці.

Надзея АНІСОВІЧ

Фота БЕЛТА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.