Вы тут

Валерый Малашка: На ўліку ў кабінетах у нарколагаў каля 7,7 тысячы чалавек


У Мінску прайшла чацвёртая міжведамасная каардынацыйная нарада па пытаннях удасканалення ўзаемадзеяння ў сферы процідзеяння незаконнаму абароту наркотыкаў, прафілактыкі і лячэння наркаманіі.


Як адзначыў міністр унутраных спраў Ігар Шуневіч, за апошнія некалькі гадоў шэраг дзяржаўных органаў і грамадзянская супольнасць прыкладалі максімум намаганняў для таго, каб стабілізаваць сітуацыю. І сёння можна казаць аб тым, што колькасць нарказлачынстваў і асоб, якія іх учынілі, значна зменшылася. Зменшылася колькасць злачынстваў, учыненых непаўналетнімі. Але наркапагроза ў краіне застаецца надзённай праблемай. Міністэрства ўнутраных спраў на комплекснай, сур'ёзнай аснове ацэньвае ўсе выклікі і пагрозы, звязаныя з гэтай сітуацыяй.

— Што датычыцца дэкрыміналізацыі нарказлачынстваў у якой бы там ні было форме, то на сённяшні дзень гэта рабіць немэтазгодна і нават шкодна, — падкрэсліў Ігар Шуневіч. — І, на нашу думку, змяненняў у крымінальным заканадаўстве не патрабуецца. Сёння трэба весці гаворку аб удасканаленні аператыўна-вышуковай дзейнасці, пытанняў рэабілітацыі, рэсацыялізацыі і прафілактыкі.

Аналіз сітуацыі ў сферы процідзеяння незаконнаму абароту наркотыкаў сведчыць, што абстаноўка працягвае заставацца кантраляванай і досыць стабільнай. Тым не менш праблема не страчвае сваёй актуальнасці. Нягледзячы на наяўныя станоўчыя тэндэнцыі, можна канстатаваць недастатковую выніковасць прафілактыкі наркаманіі і нарказлачыннасці. Формы і метады некаторых мерапрыемстваў страчваюць эфектыўнасць, а часам даюць зваротны эфект, што прыводзіць да высокай ступені латэнтнай наркаманіі. Пра гэта, напрыклад, сведчыць істотная розніца паміж колькасцю афіцыйна зарэгістраваных наркаспажыўцоў і спажыўцоў ін'екцыйных наркотыкаў, якія звярнуліся па дапамогу ў грамадскія арганізацыі.

У сваю чаргу, міністр аховы здароўя Валерый Малашка паведаміў:

— Колькасць наркаспажыўцоў застаецца досыць высокай. На ўліку ў кабінетах у нарколагаў застаецца каля 7,7 тысячы чалавек. Гэта тая праблема для грамадства, якую мы павінны вырашаць. І адна з сітуацый, якую мы будзем разглядаць, гэта тэма латэнтнага захворвання. Маюцца на ўвазе людзі, якія не стаяць на ўліку ў органах унутраных спраў або ў медыцынскіх установах. Мы павінны знайсці механізмы, якія дазволяць нам працаваць з гэтай катэгорыяй.

— Людзей стрымлівае ў звароце па медыцынскую дапамогу дастаткова жорсткае заканадаўства, — заўважыў Валерый Малашка. — З іншага боку, медыкі павінны працаваць з нарказалежнымі не арыентуючыся на сіндром, а бачыць праблемы канкрэтнага чалавека, медыцынскія і сацыяльныя. У гэтай частцы мы сёння актыўна змяняем як наркалагічную службу, так і работу спецыяльных кабінетаў метадонавай тэрапіі, дзе нарказалежным аказваюць дапамогу як урачы, так і сацыяльныя работнікі, псіхолагі і юрысты.

Для аказання практычнай дапамогі нарказалежным і сузалежным людзям створаны адзіны інфармацыйны рэсурс «РОMОGUT.BY». На ім акумулюецца ўся інфармацыя, неабходная для тых, хто сутыкнуўся з праблемай. Тут размешчаны пералік арганізацый, якія займаюцца лячэннем і рэабілітацыяй нарказалежных, і кантакты
ўсіх устаноў, што аказваюць сацыяльную дапамогу і паслугі па працаўладкаванні. Праект створаны па ініцыятыве МУС пры падтрымцы Упраўлення па наркотыках і злачыннасці ААН.

Акрамя таго, у рамках рэалізацыі праекта ў кастрычніку 2018 года на базе Мінскага гарадскога цэнтра сацыяльнага абслугоўвання сям'і і дзяцей афіцыйна пачаў сваю работу кол-цэнтр па аказанні дапамогі нарказалежным і іх сем'ям. Па нумары + 375 (017) 311-00-00 усе, хто пажадае, кругласутачна і без выхадных, могуць звяртацца да кваліфікаваных спецыялістаў з пытаннямі прафілактыкі і лячэння наркаманіі.

Сяргей КУЛАКОЎ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».