Вы тут

Праект «Калідорныя дзеці» рэалізуецца на Міншчыне


Не ўсе сем'і, асабліва маладыя, маюць уласнае жыллё. Некаторыя здымаюць кватэру, хтосьці жыве ў інтэрнаце. У дзяцей, чый дом — сямейны інтэрнат, месцам для гульняў, як правіла, становіцца калідор. Пагадзіцеся, не самая прыстасаваная для гэтага прастора. Ды і канфлікты з суседзямі, якім не падабаюцца шум і дзіцячыя крыкі, пры гэтым не рэдкасць.


Таму і ўзнікла ідэя адкрыць у інтэрнатах пакоі, прыстасаваныя для дзіцячага вольнага часу. Праект «Калідорныя дзеці» дазваляе вырашыць гэтыя праблемы.

Быццам бы такая простая думка, але дзякуючы праекту, які нарадзіўся з яе, «калідорныя дзеці» ў некалькіх інтэрнатах краіны ўжо не бегаюць па калідорах, а займаюцца ў спецыяльна абсталяваным пакоі, дзе ёсць умовы як для рухомых, так і для інтэлектуальных гульняў, для хобі і стасункаў.

Праект падтрымалі гарадскія ўлады і аб'яднанні жыллёва-камунальнай гаспадаркі. На Міншчыне ён рэалізуецца ў Жодзіне і Маладзечне і быў у ліку іншых прадстаўлены на абласным міжведамасным семінары па пытаннях рэалізацыі Дэкрэта Прэзідэнта № 18 «Аб дадатковых мерах па дзяржаўнай абароне дзяцей у праблемных сем'ях», які адбыўся 20 лістапада ў Маладзечне.

Акрамя гэтага, удзельнікі міжведамаснага семінара — прадстаўнікі праваахоўных органаў, камісій па справах непаўналетніх гаррайвыканкамаў, супрацоўнікі аддзелаў адукацыі, ідэалагічнай работы, культуры і па справах моладзі, медыкі і іншыя абмеркавалі актуальныя пытанні па абароне правоў дзяцінства і абмяняліся вопытам сваёй работы.

Святлана БУСЬКО

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?