З чацвярга па нядзелю на дзвюх пляцоўках, у Палацы прафсаюзаў і Палацы Рэспублікі, штодня праходзяць канцэрты з удзелам амаль 50 знакамітых джазменаў з Латвіі, Іспаніі, Польшчы, ЗША, Францыі, Швейцарыі і Карыбскіх астравоў, прычым афра-карыбскі джаз у Мінску гучыць упершыню.
Як гаворыць заснавальнік фэсту маэстра Яўген Уладзіміраў, «джаз прыдатны для публікі ад 7 да 92 гадоў і нават старэйшай», і настолькі карысны для развіцця нейронных сувязяў у мозгу ды абуджэння творчых здольнасцяў чалавека, што дактары мусяць прапісваць яго пры стрэсах ды хранічнай стомленасці. А калі сур’ёзна, то арганізатары практычна гарантуюць наведнікам мноства добрай музыкі і сцэнічных імправізацый, а як след – выдатны настрой на ўвесь канец тыдня.
Дарэчы, у першы дзень фэсту музыканты аддалі даніну павагі і памяці вядомаму беларускаму кампазітару Ігару Лучанку, які нядаўна пайшоў з жыцця. «Ігар Міхайлавіч вядомы як класічны меладыст, але і джаз не быў яму чужым, і ён не раз выконваў з Яўгенам Уладзіміравым некаторыя творы, а нас усіх натхняў на далейшае развіццё джазавай культуры», - адзначыў старшыня аргкамітэту і партнёр Міжнароднага фестывалю JAZZinMINSK, кіраўнік многіх прадпрымальніцкіх ініцыятыў Уладзімір Карагін. Закрыццё з фэсту пройдзе ў стылі інтэлігентнага, «рэспектабельнага» джазу 60-х – яго прадставіць трубач і спявак Майкл Варэкамп (ЗША-Нідэрланды), якога крытыкі называюць другім Луі Армстронгам.
Вікторыя ЦЕЛЯШУК.
Фота Ганны ЗАНКАВІЧ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.