Вы тут

Адкрыўся ХІV міжнародны турнір па інтэлектуальных гульнях «Шчыт і меч»


На галоўнай сцэне Акадэміі МУС адбылася цырымонія адкрыцця ХІV міжнароднага турніру па інтэлектуальных гульнях «Шчыт і меч». З прывітальнай прамовай звярнуліся да яго ўдзельнікаў начальнік акадэміі генерал-маёр міліцыі Уладзімір Бачыла і дырэктар Рэспубліканскага грамадскага аб'яднання «Беларуская ліга інтэлектуальных камандаў», адзін з арганізатараў турніру Сяргей Буян.


Традыцыйна ў турніры ўдзельнічалі каманды грамадзянскіх і сілавых ВНУ з Беларусі і Расіі. Расію прадстаўлялі шэсць курсанцкіх дружын: з Белгародскага юрыдычнага інстытута МУС, Маскоўскага ўніверсітэта МУС, Ніжагародскай акадэміі МУС, Пскоўскага філіяла Акадэміі права і кіравання ФСВП, Санкт-Пецярбургскага ўніверсітэта МУС і Краснадарскага ўніверсітэта МУС. Ад Акадэміі МУС Беларусі выступала каманда «Разумныя рэчы».

Пасля жараб'ёўкі ўсім удзельнікам трэба было паказаць свае веды ў заліковай гульні «Эрудыт-квартэт». У ёй змагаліся па чатыры прадстаўнікі кожнай каманды. Знаўцы адказвалі на пытанні, аб'яднаныя агульнай тэмай, рознага ўзроўню складанасці. У фінале сышліся чатыры найлепшыя каманды турніру.

Мазгавы штурм працягваўся і ў другі дзень. Маладзёжны форум прымаў следча-экспертны факультэт, дзе, уласна, і зарадзіўся турнір. Да дзесяці раніцы ўсё было гатова для правядзення гульні «Што? Дзе? Калі?». Вёў гульню Сяргей Буян. Камандам-удзельніцам давалася хвіліна на абмеркаванне кожнага задання і падрыхтоўку адказу. Усяго прапаноўвалася 60 пытанняў, якія былі падзелены на чатыры блокі. Удзельнікі выкладваліся па поўнай, бо на кане — не толькі кубкі, прызы і медалі, але і пуцёўка на чэмпіянат Беларусі па інтэлектуальных гульнях сярод студэнцкіх камандаў.

Вынікі турніру былі абвешчаны на цырымоніі закрыцця. Узнагароджваў удзельнікаў начальнік акадэміі. Каманда «Каспійскі Друзь» (будучыя афіцэры медыцынскай службы з Беларускага дзяржаўнага медыцынскага ўніверсітэта) заняла трэцяе месца сярод сілавых ВНУ ў гульні «Медыя-азбука», «Вышуковы Екацярынадар» (Краснадарскі ўніверсітэт МУС Расіі) — другое месца, а каманда «Разумныя рэчы» заняла першае месца.

У інтэлектуальных спаборніцтвах «Эрудыт-квартэт» выйшла наперад каманда «Некампетэнтнасць і абыякавасць». На другім месцы — «Джон Холмс», на трэцім — «Эстонскі экспрэс».

Сярод сілавых ВНУ кубак ХІV міжнароднага турніру па інтэлектуальных гульнях «Шчыт і меч» атрымала каманда «Разумныя рэчы». Гэта ўжо іх трэці кубак запар. Абсалютным пераможцам турніру, уладальнікам галоўнага кубка стала сталічная каманда «Некампетэнтнасць і абыякавасць».

Уладзімір Бачыла падзякаваў усім за выдатную гульню і запрасіў роўна праз год у галоўную міліцэйскую ВНУ на пятнаццаты па ліку маладзёжны форум, які ўжо даўно стаў візітоўкай акадэміі.

Начальнік Акадэміі МУС Уладзімір БАЧЫЛА ўручае ўзнагароду пераможцу.

Сяргей КУЛАКОЎ

Фота Андрэя САЗОНАВА

Загаловак у газеце: Бітва інтэлектаў

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».