Вы тут

Экспа-Фэст Інданезія-Беларусь скараціў адлегласць паміж краінамі


А адлегласць гэтая па прамой на самалёце — каля дзесяці тысяч кіламетраў. Тым не менш мы прадаём у найбуйнейшую астраўную дзяржаву свету калійныя ўгнаенні, гетэрацыклічныя злучэнні азоту, шыны, поліаміды, шпалы, медыцынскую мэблю, трактары, апаратуру і абсталяванне.


Купляем там натуральны каўчук, пальмавы і какосавы алей, оптавалакно, лекі, волава, паперу, какаву, фарбавальнікі, абсталяванне для друкавання, рыбу і іншае. Дарэчы, тавараабарот з гэтай краінай за дзевяць месяцаў сёлета на 74 % перавысіў леташні паказчык і склаў амаль 200 мільёнаў долараў (за ўвесь 2017 год — 158 мільёнаў). Гэта, можа, і не шмат, але, напрыклад, з Венгрыяй, да якой у дзесяць разоў бліжэй, мы нагандлявалі ўсяго на 148 мільёнаў долараў. Пры гэтым сальда ў нас з Інданезіяй дадатнае і роўнае суме ўсяго тавараабароту з Венгрыяй.

На такім фоне фестываль «Экспа-Фэст Інданезія-Беларусь 2018» ладзіць асабліва прыемна. Да таго ж, сёлетняе свята прымеркавана да 25-годдзя ўстанаўлення дыпламатычных адносін паміж краінамі. Арганізатарам выступіла пасольства Рэспублікі Інданезія ў Беларусі пры падтрымцы Міністэрства замежных спраў Рэспублікі Беларусь і Беларускай гандлёва-прамысловай палаты.

Надзвычайны і Паўнамоцны Пасол Рэспублікі Інданезія ў Расіі і Рэспубліцы Беларусь Вахід Мухамед СУПРЫЯДЗІ адзначыў, што фестываль упершыню арганізаваны з такім размахам. На выстаўцы размясцілася каля 20 стэндаў, дзе можна было ўбачыць і набыць інданезійскія прадукты, прадметы інтэр'ера, тэкстыльныя вырабы, сувеніры і многае іншае.

— Два дні таму мы паспяхова правялі беларуска-інданезійскі бізнес-форум, на якім абмеркавалі магчымасці для супрацоўніцтва, — абвясціў наведвальнікам фестывалю пасол і выказаў надзею на далейшае ўмацаванне двухбаковых адносін.

Начальнік упраўлення Азіі, Аўстраліі і Акіяніі Міністэрства замежных спраў Беларусі Сяргей Цярэнцьеў дадаў, што за 25 гадоў удалося значна паглыбіць палітычныя і гандлёвыя сувязі, дзякуючы чаму інданезійцы, у прыватнасці, ведаюць такія беларускія брэнды, як БелАЗ, Мінскі трактарны завод, Беларуськалій.

Аб планах па арганізацыі ў кастрычніку наступнага года нацыянальнай беларускай экспазіцыі ў Джакарце паведаміў на адкрыцці фестывальнай экспазіцыі старшыня Беларускай гандлёва-прамысловай палаты Уладзімір Улаховіч.

Дарэчы, Інданезія з'яўляецца найбуйнейшай краінай Паўднёва-Усходняй Азіі і займае чацвёртае месца па колькасці насельніцтва (больш за 261 мільён чалавек). Яна адносіцца да катэгорыі найбольш перспектыўных у эканамічным плане краін, якія развіваюцца.

Ганна ЮНЧЫЦ

Фота Андрэя САЗОНАВА

Больш фота

Загаловак у газеце: Вельмі далёкая дуга

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.