У тэлевізійным канцэрце «Песня года Беларусі — 2018», па традыцыі складзеным з песень айчынных выканаўцаў, якія цягам усяго года найчасцей гучалі ў радыёэфіры і з'яўляліся лідарамі ратацыі, упершыню возьмуць удзел вядомыя дыджэі з вядучых радыёстанцый нашай краіны. 7 снежня ў Палацы Рэспублікі яны стануць сувядучымі канцэрта і будуць працаваць з артыстамі ў закуліссі. Тэлеверсію «Песні года Беларусі» канал АНТ прапануе гледачам 25 снежня.
У спісе ўдзельнікаў — каля 30 артыстаў і калектываў, сярод якіх NavіBand і «Без Білета», Іна Афанасьева і Алена Ланская, Ларыса Грыбалёва, Аляксей Хлястоў, Тэа, Герман і многія іншыя. Спецыяльным госцем фестывалю стане расійскі спявак Аляксей Глызін.
Дарэчы, вялікі музычны фестываль пад назвай «Песня года Беларусі» ладзіцца ўжо 13 гадоў на буйных пляцоўках нашай краіны. Прычым праходзіць ён не толькі ў сталіцы: так, у 2016 і 2017 гадах зборныя канцэрты папулярных выканаўцаў праходзілі ў Маладзечне, сёлета — у Наваполацку.
Вікторыя ЦЕЛЯШУК
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
