Смачна, з музыкай і спевамі і на карысць дзецям — у Мінску прайшоў Міжнародны калядны кірмаш, які штогод традыцыйна арганізоўвае клуб жонак паслоў, дыпламатаў і замежных прадстаўнікоў. Больш за 28 пасольстваў замежных краін прынялі ўдзел у дабрачынай акцыі.
Нямецкія каўбаскі і англійскі чай, украінскае сала і чэшскія напоі — гэтым і не толькі можна было пачаставацца, а таксама набыць сувенірную прадукцыю, прадстаўленую рознымі краінамі свету. І ўсё гэта пад суправаджэнне дынамічных танцаў і цудоўных спеваў — пляцоўка гатэля "Рэнесанс", дзе ладзілася мерапрыемства, на нейкі час ператварылася ў мультыкультурнае асяроддзе.
З усіх бакоў — размовы на розных мовах, разнастайныя нацыянальныя ўборы, розныя колер скуры і валасоў, але адно аб'ядноўвала тых, хто тут сабраўся, — гэта ўсмешкі на тварах. Бо ўсе гэтыя людзі рабілі добрую справу, дапамагалі дзецям. Набываючы страву ці сувенір, кожны рабіў свой унёсак у дабрачынную скарбонку. Сродкі, якія будуць сабраны падчас акцыі, пойдуць на дабрачынныя мерапрыемствы.
Андрэй САЗОНАЎ
фота аўтара
З усіх куточкаў Беларусі.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
