Вы тут

«Бытоўка» даедзе да кожнага


Асаблівасць Віцебшчыны ў тым, што тут самая вялікая колькасць населеных пунктаў у краіне — каля 6,3 тысячы. Але, незалежна ад месца пражывання, нават у самых аддаленых і маланаселеных вёсках грамадзяне атрымліваюць комплекс бытавых паслуг.


Як паведамілі ў галоўным упраўленні гандлю і паслуг Віцебскага абласнога выканаўчага камітэта, за дзевяць месяцаў бягучага года жыхарам вобласці аказалі бытавых паслуг на 73,6 мільёна рублёў. Для параўнання, за аналагічны леташні перыяд — 70,3 мільёна.

Начальнік аддзела арганізацыі гандлю і бытавых паслуг галоўнага ўпраўлення гандлю і паслуг Віцебскага аблвыканкама Наталля Елісеева растлумачыла, што асноўныя бытавыя паслугі — рамонт швейных вырабаў, абутку, мэблі, бытавых машын і прыбораў. А яшчэ — рамонт і тэхнічнае абслугоўванне бытавой радыёэлектроннай апаратуры. Плюс — паслугі пракату, цырульні, фотапаслугі, прыём заказаў у пральню, хімчыстку, выраб рытуальных тавараў...

Звыш 3,3 тысячы суб'ектаў гаспадарання займаюцца «бытоўкай»: 34 % — юрыдычныя асобы, 66 % — індывідуальныя прадпрымальнікі.

У сельскай мясцовасці бытавыя паслугі аказваюць каля 360 суб'ектаў гаспадарання (з іх —71 % — індывідуальныя прадпрымальнікі, 29 % — фірмы, прадпрыемствы). Сёлета колькасць аб'ектаў бытавога абслугоўвання, размешчаных у глыбінцы, павялічылася больш чым на 30.

Формы абслугоўвання для кожнага сельскага населенага пункта вызначаюцца з улікам попыту і патрэбы жыхароў.

Як удакладнілі ў галоўным упраўленні, даступнасць асноўных відаў бытавых паслуг вяскоўцам забяспечваецца не толькі за кошт функцыянавання сеткі стацыянарных аб'ектаў, але і арганізацыяй выязнога абслугоўвання, аказання паслуг па заяўцы.

Абслугоўванне жыхароў аддаленых і маланаселеных вёсак, як правіла, ажыццяўляюць перасоўныя комплексныя прыёмныя пункты. Яны курсіруюць па замацаваных за імі тэрыторыях у адпаведнасці з графікамі. Апошнія ўзгоднены з мясцовымі выканаўчымі і распарадчымі органамі ўлады.

«Мабільныя бытоўкі» дазваляюць аказваць некаторыя паслугі на месцы. Напрыклад, у вёсцы можна падстрыгчыся, сфатаграфавацца, а яшчэ зрабіць дробны рамонт швейных вырабаў.

Летась і сёлета ў вобласці, каб пашырыць выязное бытавое абслугоўванне, прадпрыемствы купілі пяць аўтамабіляў («ГАЗ» 2705, якія ў народзе называюць «Газель»). А ўсяго ў парку «бытовак на колах» больш за дваццаць машын.

Аляксандр ПУКШАНСКІ

Фота Анатоля КЛЕШЧУКА

Выбар рэдакцыі

Рэлігія

200 гадоў пад заступніцтвам Пятра і Паўла

200 гадоў пад заступніцтвам Пятра і Паўла

Гомельскі кафедральны Свята-Петра-Паўласкі сабор — адзін з самых велічных праваслаўных храмаў Беларусі, адзін з нямногіх помнікаў архітэктуры зрэлага класіцызму, які захаваўся да нашых дзён.

Здароўе

Як мыць садавіну, гародніну і зеляніну, каб не атруціцца?

Як мыць садавіну, гародніну і зеляніну, каб не атруціцца?

«Апрацоўваць гародніну і садавіну сродкам для мыцця посуду нельга».

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».