Вы тут

Беларуска ўпершыню ўвайшла ў топ-5 фіналістак на «Міс свету»


А новай каралевай прыгажосці стала прадстаўніца Мексікі.


На кітайскім курорце Санья прайшоў 68-ы маштабны і відовішчны фінал найстарэйшага міжнароднага конкурсу прыгажосці “Міс свету”. Мінчанка Марыя Васілевіч, якая на працягу месяца разам з саперніцамі з іншых 117 краін свету ўдзельнічала ў адборачных этапах, упершыню за ўсю гісторыю ўдзелу Беларусі ў гэтым форуме прабілася ў топ-5 фіналістак і атрымала тытул “Міс свету Еўропа”. Карону пераможцы журы прысудзіла ўдзельніцы з Мексікі, 26-гадовай Ванесе Понсе дэ Леон, а званне першай віцэ-міс – прадстаўніцы Тайланда Нікалін Пічапа Лімснукан. У пяцёрцы лідараў таксама дзяўчаты з Уганды і Ямайкі.

На фінальным шоу, якое доўжылася каля 3 гадзін, канкурсанткі прадстаўлялі нацыянальныя касцюмы і танцы народаў свету (прычым кожная выходзіла са сцягам сваёй краіны), а таксама дэманстравалі эфектныя вячэрнія ўборы, адказвалі на пытанні журы і раскрывалі свае творчыя здольнасці.

Пра новую “Міс свету” вядома, што Ванеса чытае лекцыі ў Нацыянальным інстытуце моладзі, працуе вядучай і ўваходзіць у савет дырэктараў рэабілітацыйнага цэнтра для дзяўчат, захапляецца дайвінгам і любіць валейбол. А акрамя ўсяго іншага, сур’ёзна займаецца мадэлінгам і нават перамагла ў пятым сезоне рэаліці-шоу “Топ-мадэль па-мексіканску”,

Паводле конкурснага палажэння, “Міс свету” ахвяруе свой грашовы прыз на дабрачыннасць і цягам наступнага года будзе жыць у Лондане, прымаючы ўдзел у сацыяльна значных, гуманітарных акцыях. Зрэшты, як абвясцілі сёння арганізатары, усе пяцёра фіналістак, у тым ліку і наша суайчынніца, далучацца да вялікага дабрачыннага турнэ.

Вікторыя ЦЕЛЯШУК

Фота missworld.com

Выбар рэдакцыі

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі? 

Культура

Сёлета музей Янкі Купалы адзначае юбілей

Сёлета музей Янкі Купалы адзначае юбілей

«Пласт роднай зямлі — п’едэстал для паэта...» 

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.