Такія эмацыянальныя і незабыўныя ўражанні і сустрэчы жыхары Ашмянскага раёна пачалі атрымліваць ужо з сярэдзіны снежня. На выхадных для дзяцей тут зладзілі забаўляльны «Навагодні серпанцін» і сюжэтна-гульнявую праграму «Навагодні карагод». А ў аграсядзібе «Вячкойні» адкрылася рэзідэнцыя Дзеда Мароза.
Каб пачалося свята, дзеці разам з Пятачком, Сарокай і Снегавіком разгадвалі квэсты Снежнай каралевы. Задобраная ледзяная прыгажуня ўрэшце вызваліла палац Дзеда Мароза ад свайго вядзьмарства. Маленькім абаронцам дапамагалі і мясцовыя жыхары — пухкія і бялюткія казачныя ф'ёкі. Яны частавалі дзятву смачнымі аладкамі, гарбатай і нават сваімі выявамі з цукровай ваты. А пасля ўжо ўсе разам пусціліся ў скокі і забаўляліся ўнутры вялізных мыльных бурбалак.
На гэтым чараўніцтва ў рэзідэнцыі Дзеда Мароза не канчаецца. Снежнай каралеве так спадабаліся госці, што яна вырашыла ізноў зачараваць палац, каб яшчэ павесяліцца. Супрацоўнікі раённага цэнтра культуры і сельскіх клубаў паабяцалі, што святочныя мерапрыемствы ў раёне працягнуцца ажно да старога Новага года — да 13 студзеня.
Кожныя выхадныя каля галоўнай ёлкі Ашмян гасцей будуць сустракаць цікавымі забаўкамі і несупыннай музыкай. А палац Дзеда Мароза малечы трэба будзе пастаянна вызваляць ад інтрыг Снежнай каралевы.
Ірына СІДАРОК
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
