Гэта звязана з недасканалай распрацоўкай перадпраектнай дакументацыі. Дагаворы заказчыкаў з праектнымі арганізацыямі ў такіх выпадках заключаюцца без поўнага комплексу зыходных даных, што прыводзіць да карэктавання праекта і яго падаражання.
Большасць аб'ектаў выяўлена ў горадзе Астравец, дзе зараз вядзецца актыўнае будаўніцтва ў сувязі з размяшчэннем тут будучай АЭС. Не заўсёды праекты паступаюць у канчатковым выглядзе, часам яны патрабуюць дапрацоўкі. Так, унясенне змяненняў у аб'ект забудовы мікрараёна № 2 у Астраўцы са школай на 765 вучняў зацягнула праектныя работы на паўгода, што прывяло да павелічэння першапачатковага кошту больш чым у пяць разоў, ці на 315 тысяч рублёў. Таксама на паўгода зацягнуліся праектныя работы па будаўніцтве ў тым жа Астраўцы раённага цэнтра гігіены і эпідэміялогіі. Адпаведна і кошт праекта вырас на 20 тысяч рублёў. На 72 тысячы рублёў павялічыўся кошт праектных і пошукавых работ на адным з аб'ектаў сацыяльна-культурнага прызначэння.
Не ўкладваюцца ў тэрміны праектных работ на аб'екце будаўніцтва сярэдняй школы з басейнам у мікрараёне Паўднёвы горада Гродна. У выніку — патрэбны дадатковыя датацыі з бюджэту больш чым на 7 тысяч рублёў.
З мэтай аптымізацыі расходаў спецыялістамі КДК накіраваны прапановы заказчыкам, падрадчыкам і праекціроўшчыкам па прымяненні сучасных тэхналогій і інжынерных рашэнняў. У выніку такіх рэкамендацый за 2018 год удалося сэканоміць больш за 12 млн рублёў, якія накіраваны на іншыя праблемныя пытанні.
Маргарыта УШКЕВІЧ
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.