БелТА адзначае свой юбілей 23 снежня. Штодня беларуская інфармацыйная служба праз навіны піша сучасную гісторыю краіны. Падчас урачыстага мерапрыемства ў Нацыянальнай бібліятэцы прадстаўнікі розных міністэрстваў і ведамстваў узнагародзілі супрацоўнікаў агенцтва ганаровымі граматамі.
«Беларускае тэлеграфнае агенцтва з'яўляецца аператыўнай і дакладнай крыніцай навін пра падзеі ў Беларусі і ў свеце і па праве ўваходзіць у лік вядучых айчынных СМІ. Брэнд БелТА карыстаецца заслужанай павагай і даверам сярод шматлікіх замежных партнёраў, сумесна з якімі сёння паспяхова рэалізуюцца яркія медыяпраекты, ажыццяўляецца актыўны абмен перадавымі тэхналогіямі», — гаворыцца ў віншаванні Прэзідэнта Беларусі Аляксандра Лукашэнкі з нагоды 100-годдзя БелТА, якое на ўрачыстым мерапрыемстве ў Нацыянальнай бібліятэцы зачытаў намеснік кіраўніка Адміністрацыі Прэзідэнта Уладзімір ЖАЎНЯК.
«БелТА — гэта ў першую чаргу людзі, калектыў, — адзначыў старшыня Савета Рэспублікі Нацыянальнага сходу Беларусі Міхаіл Мясніковіч. — Тое, як яны па крупінках збіраюць інфармацыю, якая запатрабавана іншымі СМІ, — найвялікшы прафесіяналізм, найвялікшая заслуга. Вялікі вам дзякуй за тое, што вы асвятляеце ўсе напрамкі развіцця нашай дзяржавы і фарміруеце хроніку нашай Беларусі».
Аляксандр КАРЛЮКЕВІЧ, міністр інфармацыі, падкрэсліў: «Сотні навін штодня генерыруюцца ў інфармацыйную прастору, прыходзяць у інфармацыйныя і сацыяльныя сеткі, друкаваную перыёдыку. І гэта яшчэ не ўся ваша праца. Гэта і вялікі архіў фатаграфій, якім карыстаюцца тысячы тых, каму трэба скласці летапіс нашай краіны. Гэта і друкаваная перыёдыка, якую робяць супрацоўнікі вашага агенцтва, кнігі, якія паказалі, што вы яшчэ і сур'ёзнае выдавецтва. Безумоўна, гэта работа застанецца на стагоддзі».
Надзея АНІСОВІЧ
Фота БЕЛТА
Зрабіўшы якасць неад’емнай часткай іміджу Беларусі як краіны, займацца ёй неабходна пастаянна і ва ўсіх напрамках.
Дом з краявідам на будучыню.
Сабраны мільёны рублёў, але самае галоўнае — увага і клопат
