Да галоўнага зімовага свята застаецца менш за тыдзень — вуліцы і плошчы Гомеля ўпрыгожаны ёлкамі, гірляндамі, сімваламі адыходзячага і надыходзячага гадоў, бліскучымі ў ночы актуальнымі фігурамі снегавікоў, знакаў задыяка, ёлачных цацак.
Не адстаюць ад абласнога цэнтра і сельскія жыхары. Так, калі вы выйдзеце на аўтобусным прыпынку «АЗС» у самым пачатку аграгарадка Яроміна (калі ехаць на гарадскіх аўтобусах № 43 або № 44 у бок Касцюкоўкі), пяройдзеце дарогу і пераадолееце метраў 100—150, то побач з адным з дамоў па вуліцы Савецкай (дарэчы, гомельская Савецкая вуліца плаўна перацякае ў сваё «яромінскае рэчышча») можаце ўбачыць двух досыць «укормленых» парсючкоў. А побач з імі — сабачку. Не, ніхто іх на мароз не выгнаў — яны зроблены са снегу. Плюс (для мацнейшага каларыту) вушы і пятачкі свінак размаляваныя ружовай фарбай.
Калі я наведаў Яроміна, прайшоў моцны снег, і фігуры крыху страцілі сваю форму. Гаспадары якраз прыводзілі іх у парадак. Заадно паказалі мне яшчэ і снежнага парсючка ў сваім двары.
Увогуле, і ў Гомелі, і ў Яроміне да Новага года гатовыя на ўсе сто працэнтаў.
Максім ШАСТАКОЎ
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».