Вы тут

Білеты на «Шчаўкунка»


Іх уладальнікамі стануць пераможцы сямейнага конкурсу «Навагодняя тэатральная цацка», зладжанага Вялікім тэатрам Беларусі ўжо пяты раз.


Работа сям'і Кузняцовых (гран-пры).

Як расказалі ў тэатры, сёлета цікавасць да творчага спаборніцтва была як ніколі вялікая: фантазію, натхненне, мастацкі густ і любоў да тэатра прадэманстравалі 120 сем'яў з Мінска, Віцебска, Магілёва, Чэрвеня, Оршы, Нясвіжа і многіх іншых гарадоў і пасёлкаў нашай краіны. 140 самаробных цацак, дасланых на конкурс, па традыцыі ўпрыгожылі ёлку, устаноўленую ў фае Вялікага тэатра. Сёння тут жа пройдзе і ўзнагароджанне пераможцаў. «Уладальнік Гран-пры, а таксама лаўрэаты І, ІІ і ІІІ ступеняў атрымаюць нашы галоўныя прызы — магчымасць убачыць самы казачны балет Пятра Чайкоўскага «Шчаўкунок», — расказалі «Звяздзе» ў тэатры і дадалі, што ёсць яшчэ больш за 20 спецыяльных намінацый ад партнёраў і спонсараў праекта — пераможцы ў іх таксама атрымаюць падарункі.

Работа сям'і Семчанка (лаўрэат І ступені).

Аўтарамі найлепшай навагодняй тэатральнай цацкі, на думку журы, стала сям'я Кузняцовых: браты Міхаіл і Арсеній, якія разам з мамай Ганнай стварылі з пап'е-машэ дзвюх старажытнагрэчаскіх муз: Мельпамену, якая апякуецца трагедыяй, і музу танца Тэрпсіхору. Першае месца атрымала сям'я Семчанка за сваіх казачных персанажаў — Бабу-Ягу і Гнома, другое — у Дар'і Філатавай і яе Мышыльды, трэцяе — у сям'і Ставер, якая прадставіла
кампазіцыю «Балет», а прыз глядацкіх сімпатый атрымае сям'я Емяльянавых, якая даслала на конкурс сімпатычную вядзьмарку Ягуню.

Вікторыя ЦЕЛЯШУК

Фота прэс-службы тэатра.

Выбар рэдакцыі

Грамадства

Выбіраем аптымальную пару года для пахудзення. Спойлер: і гэта не лета!

Выбіраем аптымальную пару года для пахудзення. Спойлер: і гэта не лета!

Жыццё ў «эпоху спажывання» — сур’ёзнае выпрабаванне для чалавека.

Эканоміка

Нашы фінансы павінны прыносіць даход. Які? Вось у чым пытанне

Нашы фінансы павінны прыносіць даход. Які? Вось у чым пытанне

Адукаваныя людзі загадзя плануюць свой паток фінансаў, размяркоўваючы іх па перспектыўных напрамках, тым самым забяспечваючы сабе нябеднае жыццё.

Культура

Мінск 1941. Як гэта было

Мінск 1941. Як гэта было

Неба пачарнела ад самалётаў.