Вы тут

Тэлефонныя ашуканцы выманілі ў пенсіянеркі з Гродна 3 тысячы долараў


Тэлефонныя ашуканцы выманілі ў пенсіянеркі з Гродна 3 тысячы долараў.


Як паведамілі ва УУС Гродзенскага аблвыканкама, у канцы снежня 86-гадовай жыхарцы абласнога цэнтра патэлефанаваў мужчына, прадставіўся яе сынам і расказаў, што трапіў у непрыемную сітуацыю. Затым тэлефонную трубку ў «сына» ўзяў нібыта супрацоўнік праваахоўных органаў, які заявіў, што інцыдэнт можна ўладзіць за 6 тысяч долараў.

Ён даў рэквізіты банка, куды трэба перавесці грошы, і нумар, па якім трэба патэлефанаваць пасля грашовага пераводу. Дарэчы, гэты нумар быў зарэгістраваны на тэрыторыі Літвы. У пенсіянеркі патрабаванай сумы не знайшлося, мелася толькі 3 тысячы долараў, іх яна і перавяла на рахунак. Пазней высветлілася, што яе сын знаходзіцца ў Беларусі і ніякіх «інцыдэнтаў» з ім не адбывалася. Жанчына стала ахвярай махляроў. Даведаўшыся пра гэта, яна звярнулася ў праваахоўныя органы. Па гэтым факце ўзбуджаная крымінальная справа па ч. 3 арт. 209 КК Рэспублікі Беларусь (махлярства).

Падобныя злачынствы ўжо адбываліся на тэрыторыі Гродзенскай вобласці ў 2017—2018 гадах. Работнікі міліцыі звяртаюць увагу на неабходнасць папярэджваць сваіх сваякоў (найперш — пажылых) аб магчымасці здзяйснення ў дачыненні да іх такога роду махлярства.

Сяргей КУЛАКОЎ

Загаловак у газеце: «Гульня» на матчыных пачуццях

Выбар рэдакцыі

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.

Грамадства

Алена Богдан: Любы рух павінен быць паступальным, а не разбуральным

Алена Богдан: Любы рух павінен быць паступальным, а не разбуральным

Яна расказала чытачам «Звязды», ці плануе Беларускі саюз жанчын стаць першай жаночай палітычнай партыяй у краіне і як гэта — сумяшчаць работу ў дзяржапараце з актыўнай грамадскай дзейнасцю.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Хітра ўладкавана чалавечая памяць. Бывае, нешта ўбачыў-пачуў, а што — хоць забі — назаўтра не ўспомніш, а нешта — якраз наадварот — «ляжыць» там гадамі ці нават дзесяцігоддзямі і ўспамінаецца досыць часта...

Грамадства

Чаму ў старасці псуецца характар, з'яўляюцца бяссонніца і трывожнасць

Чаму ў старасці псуецца характар, з'яўляюцца бяссонніца і трывожнасць

Аб праблемах старэння і тым, як заўважыць і, магчыма, прадухіліць розныя псіхалагічныя захворванні ў пажылых, мы паразмаўлялі з урачом-псіхатэрапеўтам Гарадскога клінічнага псіхіятрычнага дыспансера Марынай Шчаслянок.