У дзень Богаяўлення ў Чачэрску ў праваслаўным храме Праабражэння Гасподняга заўсёды праходзіць святочная літургія і асвячэнне вады. А затым па вуліцах горада праходзіць хросны ход да Святога возера. На беразе адбываюцца непрацяглае богаслужэнне і асвячэнне вады ў палонцы-купелі, якую гатовяць камунальныя службы горада. З гэтага моманту пачынаецца чачэрскі “Іярдан”.
Вось і ўчора, дзевятнаццатага студзеня, адбылося паломніцтва пад кіраўніцтвам клірыка прыхода іерэя Васіля. Нягледзячы на пяціградусны мароз і вецер, дзясяткі чачэрцаў пажадалі акунуцца ў вадохрышчанскую ваду. Адной з першых пагрузілася ў асвечаную палонку даўняя ўдзельніца царкоўнага абраду пенсіянерка Валянціна Атрошчанка.
Да самага змяркання на гарадскім пляжы Святога возера дзяжурылі ратаўнікі раённага аддзялення па наздвычайных сітуацыях і ТРВАД, супрацоўнікі міліцыі і медыкі хуткай дапамогі.
Анатоль КЛЯШЧУК
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».