Вы тут

Выкладчыкі ўстановы адукацыі ў Пінску бралі хабар у студэнтаў


Як паведамілі ва ўпраўленні Следчага камітэта па Брэсцкай вобласці, намеснік дырэктара і тры выкладчыкі адной з сярэдніх спецыяльных навучальных устаноў Пінска ў студзені бягучага года атрымлівалі ад студэнтаў грашовыя сродкі і падарункавыя сертыфікаты магазінаў за паспяховую здачу экзаменаў.


Супрацьпраўныя дзеянні падазраваных былі выяўлены супрацоўнікамі АБЭЗ Пінскага ГАУС.

Зараз у дачыненні да кожнага з іх Пінскім міжраённым аддзелам Следчага камітэта заведзена крымінальная справа па ч. 1 арт. 430 (атрыманне хабару) Крымінальнага кодэкса Рэспублікі Беларусь. Праваахоўнікі праводзяць неабходныя следчыя і іншыя працэсуальныя дзеянні.

Акрамя таго, у рамках расследавання крымінальнай справы ўстанаўліваюцца прычыны і ўмовы, якія спрыялі здзяйсненню названых злачынстваў.

Сяргей КУЛАКОЎ

Загаловак у газеце: Бралі хабар у студэнтаў

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».