Вы тут

Цікавыя словы беларускай мовы


Свой, адметны чытач у газеты «Звязда». Ён жа, хочацца верыць, глядач тэлеканала «Беларусь 3» і ў прыватнасці праграмы «Размаўляем па-беларуску». Гэтая тэлевіктарына ўжо каторы год у эфіры і магла б выходзіць далей — у звычным фармаце. Аднак стваральнікі вырашылі ўдасканаліць яго (над чым і працуюць)...

А пакуль усе, хто цікавіцца мовай, шануюць яе і, магчыма, плануюць удзел у віктарыне, могуць удасканальваць сваё веданне з дапамогай «Звязды». Такім чынам,

ці ведалі вы, што:


  • аббэрсаць — неахайна абвязаць што-небудзь, аблытаць вяроўкай;
  • ветах — месяц у апошняй квадры, на зыходзе;
  • пошчак — пералівісты дрыжачы гук; водгук, рэха;
  • корт — тоўстая баваўняная тканіна для рабочага і спартыўнага адзення;
  • козыт — адчуванне лёгкага нервовага раздражнення, якое выклікаецца дотыкам да скуры;
  • прытном — непасрэдна адзін за адным; запар;
  • латак — адкрыты жолаб для сцёку, ссыпання чаго-небудзь;
  • назіркам — не спускаючы з вачэй;
  • з камарову дзюбу — пра што-небудзь надта малое, мізэрнае (беларускія сінонімы: з вераб'ёву душу, камарова жменя, з курачу галаву; рускі адпаведнік: с гулькин нос);
  • вочы замыльваць — уводзіць у зман, ашукваць каго-небудзь (беларусы яшчэ скажуць: вочы сляпіць (туманіць), жвір у вочы сыпаць, мазгі назад завярнуць; рускія: замазывать глаза).

Выбар рэдакцыі

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі. 

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.