Прайсці тэст самаацэнкі асобы, падыскутаваць на тэму, якіх памылак можна пазбегнуць прадпрымальнаму чалавеку і як паспяховы бізнес суадносіцца з інтуіцыяй, даведацца, як правільна праводзіць перамовы і планаваць фінансы...
Усё гэта і шмат іншага з 26 лютага да 1 сакавіка чакае моладзь ад 18 да 29 гадоў у бізнес-школе «Ад ідэі да бізнесу» прадпрыемства «Маладзёжная сацыяльная служба».
Для ўдзельнікаў чатырохдзённага адукацыйнага курса «Маркетынгавыя даследаванні» распрацаваны спецыяльныя лекцыі, семінары, бізнес-гульні і панэльныя дыскусіі. Для найлепшага і паспяховага засваення прадпрымальніцкіх і фінансавых азоў на занятках выкарыстоўваюць кейс-методыкі.
— У Беларусі бізнес-школа «Ад ідэі да бізнесу» працуе з 2017-га і ўжо знайшла прызнанне ў моладзі. Толькі летась мы правялі 25 адукацыйных курсаў для амаль 800 юнакоў і дзяўчат, — кажа Рыма ЕПУР, генеральны дырэктар прадпрыемства «Маладзёжная сацыяльная служба». — Праект садзейнічае развіццю патэнцыялу беларускага маладзёжнага прадпрымальніцтва. Сёння ўжо ёсць прыклады паспяхова рэалізаваных ідэй.
Стаць удзельнікам бізнес-школы можна, зарэгістраваўшыся па адрасе бізнес-інкубатара «Маладзёжнай сацыяльнай службы».
Ірына СІДАРОК
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
