Арганізацыйны камітэт Алімпійскіх гульняў 2020 года абвясціў аб запуску праекта Robot Tokyo 2020 — відавочнага прыкладу рэалізацыі інавацыйнага падыходу пры правядзенні мультыспартыўнага форуму.
Праект, распрацаваны Toyota Motor Corporatіon, дазволіць усім гледачам з вялікім камфортам назіраць за Гульнямі. На Алімпійскім стадыёне робаты будуць дапамагаць балельшчыкам у інвалідных крэслах, дастаўляць ежу і іншыя тавары гледачам на трыбунах, дапамагаць наведвальнікам шукаць сваё месца і даваць інфармацыю аб падзеях.
Іншыя робаты будуць выконваць шэраг дадатковых абавязкаў падчас Гульняў, падрабязнасці якіх абвесцяць пазней. У цэлым гэтая тэхналогія дапаможа правесці больш бяспечныя і камфортныя Гульні, і, хоць робаты падчас Алімпіяды будуць прадстаўлены толькі ў пэўных ролях, чакаецца, што праект прадэманструе іх патэнцыял для больш шырокага прымянення ў паўсядзённым жыцці.
Кіраўнік робататэхнічных праектаў Токіа-2020 Хірыхіса Хірукава адзначыў: «Гульні-2020 — унікальная магчымасць прадэманстраваць японскія тэхналогіі. Гэты праект прысвечаны дэманстрацыі не толькі робатаў, але і іх практычнага прымянення ў рэальным жыцці. Так што ў Токіа будуць прадстаўлены не толькі іх «спартыўныя» віды, але і некалькі іншых класных робатаў».
Дар'я ЛАБАЖЭВІЧ
Міжнародная спецыялізіваная выстаўка жыллёва-камунальнай гаспадаркі пройдзе ў Мінску.
Максімальнага значэння за летні сезон тэмпература паветра дасягнула 13 ліпеня на станцыі Жыткавічы і склала 37,9 градуса спёкі.
Напярэдадні дня нараджэння сталіцы прайшла міжнародная навукова-практычная канферэнцыя.
