Вы тут

Як праходзіць падрыхтоўка зборнай па стральбе з лука да Еўрагульняў?


На Еўрапейскіх гульнях у Мінску ў гэтым відзе спорту прымуць удзел 128 спартсменаў, сярод іх будзе разыграна восем камплектаў узнагарод. Спаборніцтвы 21—27 чэрвеня прыме спарткомплекс «Алімпійскі».


На папярэдніх гульнях у Баку беларускія спартсмены заваявалі дзве ўзнагароды, «серабро» тады было на рахунку жаночай зборнай у камандных спаборніцтвах і «бронза» ў індывідуальных спаборніцтвах у Антона Прылепава.

Адбор беларускіх стралкоў на сёлетнія Гульні пачынаецца толькі цяпер пасля збору ў Турцыі, наша каманда там жа прыме ўдзел у міжнародных спаборніцтвах, затым паспаборнічае на Гран-пры ў Бухарэсце, а заключны этап адбору пройдзе па ўнутраным рэйтынгу і па выніках этапу Кубка свету ў маі ў Турцыі. «Такім чынам, мы вызначым склад адразу на два турніры: чэмпіянат свету, які пройдзе з 9 да 16 чэрвеня, і на Еўрапейскія гульні, — адзначае галоўны трэнер зборнай Кацярына Цімафеева.Абодва турніры вельмі важныя для нас, таму што на іх будуць разыгрывацца алімпійскія ліцэнзіі ў Токіа-2020». Кацярына таксама адзначае, што дамашні турнір дадае адказнасці. «Турнір важны як для кожнага спартсмена-ўдзельніка, так і для нашага віду спорту ў цэлым, таму наша задача — выступіць на дамашніх Еўрапейскіх гульнях як мага лепш, магчыма паўтарыць вынік Гульняў у Баку. Нам будзе цяжка, бо зараз вельмі шмат прадстаўнікоў еўрапейскіх краін займаюць лідзіруючыя пазіцыі ў свеце, але мы прыкладзём усе намаганні», — рэзюмуе Кацярына Цімафеева.

Лідарамі каманды сёння застаюцца вопытныя спартсмены Антон Прылепаў і Ганна Марусава, аднак на пяткі ім наступае і моладзь, якая ўсё больш прагрэсіруе ў апошнія гады. Напрыклад, самая маладая спартсменка ў нацыянальнай зборнай васямнаццацігадовая Карына Казлоўская толькі год таму трапіла ў зборную, але ўжо годна прадставіла краіну на дарослым чэмпіянаце Еўропы. Карына адзначае, што, нягледзячы на свой юны ўзрост, яна здольная пазмагацца за тое, каб трапіць на Еўрапейскія гульні, і за ўзнагароды турніру. «Для мяне сёння складанасць у тым, што я маю недастаткова вопыту ў міжнародных стартах, але гэта адначасова не перашкаджае мне трапляць у цэлі, спраўляцца з эмоцыямі і перамагаць, — адзначае спартсменка і дадае — Мая галоўная задача цяпер прыстраляцца, добра фізічна і псіхалагічна падрыхтавацца да адказных турніраў».

2—5 мая на стадыёне ў САК «Алімпійскі» пройдзе тэставы турнір па стральбе з лука, ён адбудзецца ў фармаце чэмпіянату Беларусі, на турнір будзе запрошаны прадстаўнік з Міжнароднай федэрацыі стральбы з лука, які ацэніць гатоўнасць краіны да прыняцця буйнога турніру.

«Еўрапейскія гульні для нас — гэта, у першую чаргу, папулярызацыя віду спорту, бо стральба з лука дастаткова закрыты від. Дзякуючы Гульням у нас ужо палепшылася матэрыяльна-тэхнічная база, з'явіўся свой стралковы комплекс, стралковае поле добрага еўрапейскага ўзроўню, а калі мы яшчэ заваюем медаль на Гульнях, гэта дасць яшчэ большы штуршок да развіцця», — адзначыў старшыня Беларускай федэрацыі стральбы з лука Сяргей Шчамялёў.

Дар'я ЛАБАЖЭВІЧ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.