Вы тут

У Чэрвеньскім музеі адкрылася экспазіцыя, прысвечаная кампазітару Манюшку


У лютым 2018 года Чэрвеньскі раённы краязнаўчы музей стаў пераможцам у намінацыі «Музейная справа» абласнога конкурсу «Творчы алімп Міншчыны», які арганізавала галоўнае ўпраўленне ідэалагічнай работы, культуры і па справах моладзі Мінаблвыканкама, і атрымаў грант у памеры 28 385 рублёў. Гэтыя сродкі пайшлі на стварэнне музейнай экспазіцыі «Станіслаў Манюшка — дзеяч беларускай музычнай культуры», якая ўрачыста адкрылася пятага красавіка ў гарадскім пасёлку Смілавічы. Гэты населены пункт выбраны невыпадкова. Тут знаходзіцца палацава-паркавы комплекс, які належаў роду Манюшкі, а ў Смілавіцкім касцёле хрысцілі малога Станіслава.


— На працягу года мы стваралі пастаянную музейную экспазіцыю, прысвечаную жыццю і творчасці кампазітара. Распрацавалі навуковую канцэпцыю, стварылі эскізы, тэматычныя дыярамы, закупілі неабходную мэблю, — расказала дырэктар музея Алена ЗАБАРОНАК. — Экспазіцыя размешчана ў дзвюх залах. Першая яе частка расказвае наведвальнікам аб дзіцячых і юнацкіх гадах Станіслава Манюшкі, якія ён правёў у вёсцы Убель. З дапамогай малюнкаў яго бацькі Часлава Манюшкі экспазіцыя знаёміць з мясцовымі пейзажамі, партрэтамі настаўнікаў, блізкіх сваякоў будучага генія. Другая частка экспазіцыі прысвечана вучобе таленавітага юнака ў Берлінскай музычнай акадэміі, яго больш позняй рабоце ў Вільні і Варшаве. Частка экспазіцыі расказвае аб дружбе Станіслава Манюшкі з Дуніным-Марцінкевічам, аб стварэнні першай беларускай оперы «Сялянка» («Ідылія»). Тут таксама можна азнаёміцца з опернай творчасцю кампазітара. Гэта ноты, запісы твораў на шматлікіх пласцінках і касетах, фотаздымкі пастановак опер «Галька» і «Страшны двор» у Беларусі, сцэнічныя касцюмы Варшаўскага опернага тэатра. Пасля наведвання экспазіцыі ўсе ахвотныя змогуць ва ўтульнай музычнай гасцёўні паслухаць творы вялікага майстра.

Дарэчы, работнікі музея наладзілі плённае супрацоўніцтва па абмене матэрыяламі для экспазіцыі і стварэнні сумесных выставак з Літоўскім музеем тэатра, музыкі, кіно ў Вільнюсе і Польскім інстытутам у Мінску. Разам з музычнай гасцёўняй музейная экспазіцыя стане прыцягальным турыстычным аб'ектам для жыхароў Беларусі і замежных гасцей.

Таццяна ЛАЗОЎСКАЯ

Фота БелТА

Загаловак у газеце: У госці да Манюшкі

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.