У саборы Парыжскай Божай Маці адбыўся моцны пажар

Буйны пажар адбыўся ў саборы Нотр-Дам у цэнтры Парыжа, паведамляе пажарны дэпартамент французскай сталіцы. У будынка абрынуўся шпіль. З сабора былі эвакуіраваны ўсе людзі, паведамляе BBC.

Пра абрушэнне шпіля паведамляе агенцтва "Франс прэс". Шпіль з дрэва і свінцовых пліт быў збудаваны ў сярэдзіне XIX стагоддзя, паведамляецца на сайце сабора.

Effondrement de la flèche de #NotreDame. Pas de mots. Quelle tristesse. Terrible. pic.twitter.com/xw9zh5SwED

— Thomas Portes ✊ (@Portes_Thomas) 15 апреля 2019 г.

На кадрах тэлекампаніі Сі-эн-эн было бачна, што абрынуліся шпіль і дах сабора. Карэспандэнты тэлеканала BFMTV удакладняюць, што абрынуўся таксама гадзіннік сабора.

BREAKING VIDEO! THE SPIRE AT THE NOTRE DAME CATHEDRAL HAS JUST COLLAPSED.pic.twitter.com/p1zTyPNXXD

— Breaking News Feed (@pzf) 15 апреля 2019 г.

Дах сабора абрынуўся цалкам, паведамляюць відавочцы.

Прэс-сакратар сабора Парыжскай Божай Маці Андрэ Фіна сказаў французскім СМІ, што ўвесь драўляны інтэр'ер Нотр-Дам-дэ-Пары, пабудаванага ў XII стагоддзі, гарыць і, хутчэй за ўсё, будзе разбураны.

Пажар хутка распаўсюдзіўся па ўсім будынку. Фатаграфіі і відэазапісы палаючага сабора з'яўляюцца ў СМІ і сацсетках.

Дакладнай інфармацыі аб прычынах пажару пакуль няма.

Па словах прадстаўніка сабора, пажар пачаўся каля 18:50 па мясцовым часе (19:50 па Мінску), паведамляе выданне Liberation. Першымі загарэліся будаўнічыя лясы вакол будынка. Па словах прадстаўніка сабора, усе яны былі ахоплены полымем.

Па дадзеных агенцтва Франс Прэс, пажарныя кажуць, што пажар "патэнцыйна звязаны" з рэстаўрацыйнымі працамі.

Notre dame de #Paris, panache du fumée jaune, le feu semble dévorer l’église toute entière pic.twitter.com/4zRcAr86Ng

— Chrystèle Bazin (@chrystelebazin) 15 апреля 2019 г.

Збор сродкаў на рэстаўрацыю сабора каталіцкая царква Францыі пачала ў мінулым годзе.

Мэр Парыжа Анн Ідальга у сваім Твітары назвала пажар жахлівым і заклікала людзей выконваць меры бяспекі і не заходзіць за агароджы, выстаўленыя пажарнікамі.

Прэзідэнт Францыі Эмануэль Макрон з жонкай прыбылі да месца пажару. Ён адмяніў зварот да нацыі, адрасаваны "жоўтым камізэлькам", з якім павінен быў выступіць у панядзелак увечары.

Прэзідэнт ЗША Дональд Трамп напісаў у Твітары, што яму "страшна глядзець на велізарны пажар у саборы Нотр-Дам", параіўшы пажарным дзейнічаць хутка і выкарыстоўваць авіяцыю.

So horrible to watch the massive fire at Notre Dame Cathedral in Paris. Perhaps flying water tankers could be used to put it out. Must act quickly!

— Donald J. Trump (@realDonaldTrump) 15 апреля 2019 г.

Сабор парыжскай Божай Маці быў пабудаваны ў XII-XIV стагоддзях. Гэта адна з самых папулярных турыстычных славутасцяў Еўропы. Сабор прыцягвае мільёны турыстаў кожны год.

Каля 23.00 агонь перакінуўся на паўночную вежу сабора.