Выстава абразоў, выкананых цалкам з прыроднага каменю, адкрылася ў Мінску

Усе экспанаты зробленыя з італьянскага мармуру, оніксу, траверціну і г. д. Азнаёміцца з экспазіцыяй можна ў Лошыцкай сядзібе.

Арганізатары сцвярджаюць, што выстава заяўляецца да публічнага прагляду ўпершыню, не мае аналагаў у праваслаўным свеце ні па аб'ёме выставачных матэрыялаў, ні па прадстаўленых тэхніках іх выканання ў каменеапрацоўцы, і таму яе па справе можна назваць ўнікальнай.

На выставе пастаянна дэманструюць не менш за 150 работ, з іх больш за палову рарытэтныя. Убачыць нетрадыцыйную трактоўку ў інтэрпрэтацыі малюнкаў біблейскіх вобразаў паспрыяе сам матэрыял - прыродны камень.

Экспазіцыя праводзіцца напярэдадні падрыхтоўкі да пашыранай выставы, у адпаведнасці з блаславеннем Мітрапаліта Паўла Мінскага і Заслаўскага, Патрыяршага экзарха ўсяе Беларусі, з нагоды ўрачыстых мерапрыемстваў, прысвечаных юбілею 550-годдзя з'яўлення Жыровіцкай іконы Божай Маці.

Дзмітрый СУГАНЯЕЎ

Фота Анатоля КЛЕШЧУКА