Вы тут

Полацк праваслаўны (слайд-шоу)


Спаса-Еўфрасіннеўскі манастыр у Полацку быў заснаваны ў 1125 годзе полацкай князёўнай Прадславай (у манастве - Ефрасіння), вядомая сёння як Прападобная Еўфрасіння Полацкая. Галоўным храмам у манастыры была Спаса-Праабражэнская царква, якая захавалася да нашага часу і з'яўляецца найкаштоўным помнікам старажытнай Беларусі. Унутры царквы захаваліся фрэскі XII стагоддзя. Спаса-Праабражэнская царква ў Полацку сёння намінавана на ўключэнне ў Спіс Сусветнай спадчыны ЮНЭСКА. У ёй знаходзяцца мошчы святой Ефрасінні Полацкай, копія крыжа Ефрасінні Полацкай

Сафійскі сабор у Полацку - самая старажытная хрысціянская святыня ў Беларусі. Ён быў пабудаваны паміж 1044-1066 гадамі ў Полацку на правым беразе Заходняй Дзвіны пры князі Усяславе Чарадзеі. Аднак да нашых дзён ад храма ХІ стагоддзя дайшлі фрагменты мура, практычна цалкам захаваны старажытны падмурак, часткі апсіды, слупоў і сцен, а таксама дзіўныя фрэскавыя роспісы 2-й паловы ХІ ст. У цяперашні час Сафійскі сабор з'яўляецца музеем гісторыі архітэктуры і канцэртнай залай, уваходзіць у склад Полацкага гісторыка-культурнага музея-запаведніка.

Полацкі Пакроўскі храм быў пабудаваны ў 1781 годзе і першапачаткова з'яўляўся могілкавай царквой Богаяўленскага манастыра. У 1905 годзе быў закладзены падмурак новай - каменнай Пакроўскай царквы. У пачатку 30-х гадоў XX стагоддзя царква была зачынена савецкай уладай. У 2004 годзе быў усталяваны першы купал храма, а ў кастрычніку таго ж году адбылося адкрыццё і асвячэнне адноўленага храма.

Сабор Богаяўлення (Свята-Богаяўленскі сабор) быў узведзены ў канцы XVI ст. як драўляны храм аднайменнага праваслаўнага манастыра. У 1582 г. кароль Стэфан Баторый вылучыў для пабудовы царквы і манастыря плошчу ў цэнтры Полоцка. Каменны храм у стылі барока з элементамі класіцызму быў пабудаваны ў 1779 годдзе і з некаторымі зменамі захаваўся да нашых дзён. Цяпер храм з'яўляецца кафедральным саборам Полацка-Гпубоцкай епархіі.

Анатоль Кляшчук, фота аўтара

Слайд-шоу Дзмітрыя Суганяева

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.