Вы тут

Прэзідэнт: Тэму будаўніцтва атамнай станцыі ў Літве вельмі палітызуюць


Беларусь хоча мець добрыя адносіны з Літвой.

Такое меркаванне выказаў Аляксандр Лукашэнка падчас сустрэчы з дэпутатам Еўрапейскага парламента, членам Камітэта па прамысловасці, навуцы і энергетыцы, экс-прэзідэнтам Літвы Раландасам Паксасам.


Кіраўнік дзяржавы павітаў дэпутата Еўрапейскага парламента і адзначыў, што літоўскія палітыкі не часта наведваюць нашу краіну, каб пагаварыць аб праблемах, якія сёння існуюць паміж суседзямі. 

«Я падкрэсліваю — суседзямі. Вядома ж, паколькі мы суседзі, у нас заўсёды будуць нейкія агульныя пункты гледжання — пажадана, каб пабольш было на розныя праблемы. Але і будуць рознагалоссі — толькі таму, што мы суседзі, і таму, што мы датыкаемся пастаянна адзін з адным і, натуральна, будуць розныя пункты гледжання на розныя праблемы», — сказаў беларускі лідар.

Суседзей не выбіраюць, заўважыў Лукашэнка, «яны ад госпада, і трэба жыць як суседзям і ўступаць у дыялог.

«А каб жыць дружна і мірна трэба мець зносіны і размаўляць на розныя тэмы, пачынаючы ад агульнай праблемы бяспекі ў гэтым рэгіёне — а цяпер у нас у Еўропе штарміць і вельмі моцна. Дай бог, каб гэты шторм так і супакоіўся, — адзначыў Прэзідэнт. — З іншага боку, ёсць мясцовыя праблемы. Да прыкладу, будаўніцтва атамнай станцыі — тэма, якая вельмі актуальная ў Літве і, як мы лічым, вельмі палітызаваная».

Прыезд Раландаса Паксаса Аляксандр Лукашэнка назваў добрай весткай з Літвы. «Я думаю, гэта будзе добрым пачаткам абмеркавання хоць бы тых праблем, якія паміж намі існуюць. А базіс, аснова, на якой мы можам будаваць нашы адносіны, — гэта заўсёды і ўсюды эканоміка, гандлёва-эканамічныя адносіны. Нягледзячы на палітычныя рознагалоссі, узровень вельмі высокі», — дадаў ён.

Кіраўнік дзяржавы нагадаў, што Беларусь заўсёды з вялікім задавальненнем пастаўляла мільёны тон тавараў праз Літву, нашай краіне было камфортна працаваць у партах гэтай дзяржавы, на чыгуначных шляхах.

«І вельмі шмат нашых людзей з турыстычнымі мэтамі наведваюць Літву. Мы ніколі не перашкаджалі, каб літоўцы да нас прыязджалі. Слухайце, калісьці ж жылі разам, у адной дзяржаве. Трэба ў гісторыі шукаць нешта добрае, на што можна абаперціся. І ў нас гэтага добрага шмат. Давайце будзем шукаць гэта добрае, абапірацца на яго і будаваць у будучыні такія ж добрыя адносіны», — падкрэсліў Прэзідэнт.

Візіт Раландаса Паксаса ў нашу краіну завершыцца сёння. Яго мэта — абмеркаванне прапаноў па стабілізацыі ваенна-палітычнага становішча ў рэгіёне Балтыйскага мора і пытання будаўніцтва Беларускай АЭС.

Сёння днём запланаваныя сустрэчы з міністрам энергетыкі Беларусі Віктарам Каранкевічам, а таксама са старшынёй Пастаяннай камісіі па міжнародных справах Палаты прадстаўнікоў Валерыем Варанецкім.

Уладзіслаў ЛУКАШЭВІЧ

Фота БЕЛТА

Выбар рэдакцыі

Культура

Пошук вечнага жыцця

Пошук вечнага жыцця

Шмат разоў, збочыўшы з брэсцкай трасы, праязджаючы ад Міра да Карэліч, царкву на могілках каля вёскі Загор'е выхопліваеш літаральна за лічаныя секунды.

Спорт

Ірына Курачкіна заваявала серабро Алімпійскіх гульняў!

Ірына Курачкіна заваявала серабро Алімпійскіх гульняў!

 У фінале спаборніцтваў па жаночай барацьбе яна ўступіла японцы Рысака Каваі. 

Грамадства

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Па заказе ЗАТ «Другі нацыянальны тэлеканал» — АНТ з 5 па 21 ліпеня Аналітычны цэнтр ЕсооМ з прыцягненнем фонду «Украінская палітыка» правёў

Палітыка

Літоўцы раскручваюць крывавую хвалю гвалту

Літоўцы раскручваюць крывавую хвалю гвалту

З беларуска-літоўскай граніцы працягваюць паступаць весткі, ад якіх проста кроў стыне ў жылах.