Вы тут

Прэзідэнт падпісаў указ...


Ветэранам Вялікай Айчыннай вайны дадзена права бясплатнага праезду ў цягніках міжнародных зносін паміж Беларуссю і Расіяй, а таксама ў цягніках унутрырэспубліканскіх зносін. Адпаведны ўказ Прэзідэнт падпісаў 2 мая, паведамляе прэс-служба кіраўніка дзяржавы.


Згаданай магчымасцю ветэраны змогуць скарыстацца ў перыяд правядзення мерапрыемстваў, прысвечаных святкаванню 75-й гадавіны вызвалення Беларусі ад нямецка-фашысцкіх захопнікаў і Перамогі савецкага народа ў Вялікай Айчыннай вайне.

* * *

Прэзідэнт падпісаў Указ № 164, якім комплексна ўрэгуляваны пытанні правядзення ў Мінску ІІ Еўрапейскіх гульняў.

Дакумент уносіць змены ў асобныя ўказы, якія датычацца арганізацыі спаборніцтваў. У прыватнасці, рэгулююцца пытанні выкарыстання дзяржаўнай маёмасці, эксплуатацыі радыёэлектронных сродкаў і высокачастотных прылад, медыцынскага абслугоўвання ўдзельнікаў і гасцей ІІ Еўрапейскіх гульняў і іншыя практычныя пытанні іх падрыхтоўкі і правядзення. Прадугледжаны меры, якія дазваляюць знізіць кошт арганізацыі гэтай маштабнай падзеі.

У дадатак да бясплатнага праезду ў мінскім гарадскім пасажырскім транспарце ўдзельнікам і валанцёрам Гульняў дадзена права бясплатнага праезду ў прыгарадным пасажырскім транспарце па маршрутах, якія звязваюць сталіцу з Нацыянальным аэрапортам Мінск і Заслаўем. Акрэдытаваныя на Гульнях замежнікі вызвалены ад неабходнасці рэгістрацыі на тэрыторыі Беларусі.

* * *

Прэзідэнт Беларусі Аляксандр Лукашэнка падпісаў Указ № 166 «Аб арганізацыі ўступнай кампаніі ва ўстановах адукацыі ў 2019 годзе».

Дакументам створана дзяржаўная камісія па кантролі за ходам падрыхтоўкі і правядзення ўступных іспытаў ва ўстановах вышэйшай і сярэдняй спецыяльнай адукацыі ў 2019 годзе, а таксама вызначаны яе паўнамоцтвы.

У склад камісіі ўключаны члены ўрада, Савета Рэспублікі і дэпутаты Палаты прадстаўнікоў Нацыянальнага сходу, кіраўнікі органаў дзяржаўнага кіравання, прадстаўнікі грамадскіх арганізацый і работнікі кантрольных органаў. Старшынёй камісіі прызначаны намеснік прэм'ер-міністра Ігар Петрышэнка.

Камісія заклікана забяспечыць кантроль за падрыхтоўкай і правядзеннем цэнтралізаванага тэсціравання, іншых формаў уступных іспытаў, стварэннем абітурыентам роўных магчымасцяў пры паступленні ва ўстановы вышэйшай і сярэдняй спецыяльнай адукацыі. Сярод яе абавязкаў — прыняцце мер па ліквідацыі парушэнняў заканадаўства, якое рэгулюе арганізацыю і правядзенне прыёму, ажыццяўленне прыёму грамадзян па пытаннях падрыхтоўкі і правядзення ўступных іспытаў, а таксама забеспячэнне асвятлення работы камісіі ў сродках масавай інфармацыі.

Выбар рэдакцыі

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.

Грамадства

Хормайстр Ніна Ламановіч: Можна выходзіць замуж, калі жыццё жанчыны пасля гэтага палепшыцца

Хормайстр Ніна Ламановіч: Можна выходзіць замуж, калі жыццё жанчыны пасля гэтага палепшыцца

Галоўнаму хормайстру Вялікага тэатра 27 жніўня споўнілася 70 гадоў. 

У свеце

У «чорнай» зоне. Чаму Літву захліснула пандэмія?

У «чорнай» зоне. Чаму Літву захліснула пандэмія?

Уся Літва трапіла ў «чорную» зону заражэння каранавірусам. 

Грамадства

Страшнае слова «генацыд»

Страшнае слова «генацыд»

Для тых, хто прысвойвае сабе права быць «выключнымі», гэта рана ці позна становіцца катастрофай у маштабах народа.