Рашэннем беларуска-кітайскага міжурадавага камітэта па супрацоўніцтве 2019 год быў абвешчаны Годам адукацыі Беларусі ў Кітаі. Ён накіраваны на тое, каб наладзіць непасрэдныя стасункі паміж універсітэтамі дзвюх краін, развіваць супрацоўніцтва ў галіне адукацыі і навуковых даследаванняў, стварыць цэнтры вывучэння Беларусі ў вышэйшых навучальных установах Кітая. «Разыначка» Года адукацыі — пачатак вывучэння беларускай мовы ў кітайскіх ВНУ.
Таму беларускія паштавікі падрыхтавалі і выпусцілі памятны паштовы канверт. Цырымонія гашэння з удзелам генеральнага дырэктара РУП «Белпошта» Уладзіміра Матусевіча, міністра адукацыі Беларусі Ігара Карпенкі і намесніка міністра адукацыі КНР Цянь Сюэцзюня прайшла ў мінскай ратушы.
На канверце знайшлі сваё адлюстраванне дзяржаўныя сцягі Беларусі і Кітая, а таксама сімвал парку «Вялікі камень». Словы «Адукацыя — шлях да развіцця» і «Год адукацыі Беларусі ў Кітаі» надрукаваны на беларускай і кітайскай мовах.
Дызайнер канверта — Алена Мядзведзь. Ён выпушчаны тыражом у 50 тысяч экзэмпляраў.
Валяр'ян ШКЛЕННІК
Фота БелТА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
