Вы тут

На БЧ праходзіць акцыя «Дзеці і бяспека»


Магістраль правядзе яе напярэдадні летніх школьных канікул. Асаблівая ўвага будзе аддадзена прадухіленню няшчасных выпадкаў з удзелам непаўналетніх.


Да 7 чэрвеня супрацоўнікі беларускай магістралі арганізуюць сустрэчы са школьнікамі ў навучальных установах і дзіцячых аздараўленчых лагерах, размешчаных блізка ад чыгункі, падчас якіх правядуць тлумачальна-прафілактычныя гутаркі.

Таксама ў рамках акцыі будуць арганізаваны рэйды, нададуць асаблівую ўвагу дзецям і падлеткам, якія знаходзяцца без нагляду дарослых паблізу чыгуначных пуцей, на вакзалах, станцыях і ў цягніках.

Дадатковае інфармаванне грамадзян аб мерах бяспекі пры знаходжанні на аб'ектах чыгуначнага транспарту будзе весціся на вакзалах і ў цягніках.

З пачатку года на Беларускай чыгунцы адбылося 36 выпадкаў невытворчага траўматызму. Гэта на дзевяць выпадкаў менш, чым за аналагічны перыяд мінулага года. Пацярпела 36 чалавек (тры з іх непаўналетнія): загінула 25 грамадзян і 11 атрымалі траўмы. Каля 40 працэнтаў пацярпелых знаходзілася на аб'ектах чыгуначнага транспарту ў стане алкагольнага ап'янення.

Асноўнай прычынай няшчасных выпадкаў па-ранейшаму застаецца ігнараванне грамадзянамі элементарных мер бяспекі. Напрыклад, знаходжанне ў зоне павышанай небяспекі ў стане алкагольнага ап'янення, размовы па мабільным тэлефоне і праслухоўванне музыкі ў навушніках падчас перасячэння чыгуначных пуцей, парушэнне кіроўцамі правіл дарожнага руху пры перасячэнні чыгуначных пераездаў і г. д.

Сяргей РАСОЛЬКА

Выбар рэдакцыі

Культура

Жэмчуг і пясок. Пяць расчараванняў Максіма Багдановіча

Жэмчуг і пясок. Пяць расчараванняў Максіма Багдановіча

існуе тэорыя, што толькі той, каму выпала перажыць моцныя ўзрушэнні, можа стаць сапраўдным паэтам.

Грамадства

Вакцынацыя і рэвакцынацыя: калі і каму прышчапляцца ад каранавіруса паўторна

Вакцынацыя і рэвакцынацыя: калі і каму прышчапляцца ад каранавіруса паўторна

Якую вакцыну выбраць для паўторнай прышчэпкі ад каранавіруса?

Грамадства

Крэпасць духу. 10 натхняльных храмаў Гродзеншчыны

Крэпасць духу. 10 натхняльных храмаў Гродзеншчыны

Гэта культурнае багацце прыцягвае ў краіну масу падарожнікаў.