Вы тут

У аграгарадку Мір адкрыўся рэканструяваны спартыўна-біятлонны комплекс


Пяць гадоў таму на гэтым месцы была абсталявана летняя лыжаролерная траса, Аляксандр Лукашэнка ў час рабочай паездкі ў Брэсцкую вобласць 22 сакавіка бягучага года азнаёміўся са спартыўным аб'ектам і даручыў яго рэканструяваць. Старшыня Брэсцкага аблвыканкама Анатоль Ліс расказаў, што за красавік — май гэтая задача была выканана.


У комплексе з'явілася стрэльбішча і абнавілася лыжаролерная траса. «Створаны ўмовы не толькі для правядзення спаборніцтваў, у любы час чалавек можа прыйсці і адпачыць, пазаймацца спортам, тут працуе пункт пракату лыжаролераў і ролікаў. Гэты аб'ект закліканы прывучыць дзяцей, моладзь, людзей старэйшага пакалення да заняткаў спортам, а гэта ўмацаванне здароўя нацыі», — адзначыў Анатоль Ліс.

На рэканструкцыю спартыўна-біятлоннага комплексу было накіравана каля 800 тысяч беларускіх рублёў, у ходзе рэканструкцыі добраўпарадкавана стрэльбішча з 20 мішэннымі ўстаноўкамі, што дазволіла выкарыстоўваць у трэніровачным працэсе не толькі пнеўматычную зброю, але і дробнакаліберныя вінтоўкі. Трасу працягнулі да 2 км, зімой яна павялічыцца да 5 км. Закупілі снежную пушку, зараз рыхтуецца артэзіянская свідравіна, каб можна было рабіць штучнае аснежванне. Беларуская федэрацыя біятлона зрабіла спецыялізаванай дзіцяча-юнацкай школе алімпійскага рэзерву Баранавіцкага раёна падарунак — аўтобус МАЗ для падвозу юных спартсменаў.

«На карце Беларусі з'явіўся яшчэ адзін пункт, які адпавядае самым высокім патрабаванням для падрыхтоўкі спартыўнага рэзерву, — адзначыў намеснік міністра спорту і турызму Аляксандр Барауля. — Для Брэсцкай вобласці гэты комплекс ператварыўся ў рэгіянальны цэнтр па біятлоне і лыжных гонках. Спадзяюся, што дзякуючы такім зменам адсюль выйдуць новыя зорачкі, якія будуць бліскаць і радаваць нас на чэмпіянатах свету і Еўропы, Алімпійскіх гульнях».

На цырымоніі адкрыцця комплексу прысутнічаў таксама старшыня Брэсцкай абласной федэрацыі біятлона, начальнік упраўлення КДБ па Брэсцкай вобласці Сяргей Гладышаў і старшыня Баранавіцкага райвыканкама Васіль Хвацік.

Дар'я Лабажэвіч

Загаловак у газеце: Яшчэ адзін біятлонны пункт на карце

Выбар рэдакцыі

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем'і і.

Палітыка

Андрэй Савіных: Якасць абраных стратэгій не правяраецца ў ідэальных сітуацыях

Андрэй Савіных: Якасць абраных стратэгій не правяраецца ў ідэальных сітуацыях

Беларускі парадак дня нікому не дае расслабіцца, час не дазваляе.

Грамадства

Экстраная дапамога. Як працуе Цэнтр аператыўнага кіравання МНС

Экстраная дапамога. Як працуе Цэнтр аператыўнага кіравання МНС

Дзяжурныя службы — вушы і вочы Міністэрства па надзвычайных сітуацыях. 

Палітыка

Пасол Беларусі ў КНР: З 1992-га тавараабарот з Кітаем вырас больш як у 130 разоў

Пасол Беларусі ў КНР: З 1992-га тавараабарот з Кітаем вырас больш як у 130 разоў

Наперадзе юбілей беларуска-кітайскіх адносін — 30 гадоў.