«Аўгуст Вела» праклаў шлях аматарам веласіпеднага турызму з Еўропы ў Беларусь. Маршрут, працягласць якога 50 кіламетраў, злучаецца з польскім Grееn Vеlо і сеткай еўрапейскіх маршрутаў Еurо Vеlо. Урачыстае адкрыццё адбылося з удзелам кіраўніцтва Гродзенскага аблвыканкама і Падляскага ваяводства Польшчы. Прадстаўнікі ўлады першымі праехалі па беларускай частцы новага веласіпеднага маршрута.
Пачынаецца яна ад пункта пропуску «Лясная—Рудаўка» на канале і завяршаецца ў Гродне. «Аўгуст Вела» пракладзены па маляўнічых і гістарычных мясцінах рэгіёна. Ён праходзіць уздоўж канала праз усе шлюзы, пасля ідзе ў бок вёскі Радзівілкі, дзе можна ўбачыць старажытную сядзібу Гурскіх. На шляху маршрута — аграгарадок Сапоцкін з цікавым музеем пісанкі, у некалькіх кіламетрах — палац Валовічаў у Свяцку. У хуткім часе тут завершыцца рэканструкцыя пад культурна-забаўляльны комплекс. Пад Гродна веламаршрут цягнецца ўздоўж Нёмана і падыходзіць да турыстычнай базы «Прывал».
Як расказалі ва ўпраўленні спорту і турызму Гродзенскага аблвыканкама, увесь маршрут прамаркіраваны ў адпаведнасці з еўрапейскімі стандартамі, устаноўлена некалькі сотняў паказальнікаў і каля дзясятка картаў-схем. Для зручнасці турыстаў прадугледжаны месцы адпачынку з альтанкамі, паркоўкамі і санітарнымі зонамі.
Плануецца, што новы веламаршрут у найбліжэйшы час звяжа Аўгустоўскі канал і Белавежскую пушчу. «Белавежа Вела» пройдзе па дзвюх бязвізавых зонах Беларусі, па тэрыторыі Люблінскага ваяводства Польшчы і вернецца да Аўгустоўскага канала. Трансгранічны праект актуальны дзякуючы росту турыстычнага патоку ў бязвізавыя рэгіёны, а таксама запланаванаму аб'яднанню гродзенскай і брэсцкай бязвізавых зон.
Маршрут «Аўгуст Вела» створаны ў рамках трансгранічнага праекта па падтрымцы прадпрымальніцтва праз развіццё інфраструктуры Гродзенскай вобласці.
Дарэчы, новы турыстычны сезон на Аўгустоўскім канале пачаўся з 1 мая, калі на памежным шлюзе пачаў работу сезонны пункт пропуску. У раёне шлюза Дамброўка адкрыліся аб'екты харчавання і пункты пракату.
Маргарыта УШКЕВІЧ
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!