Генеральная рэпетыцыя цырымоніі адкрыцця II Еўрапейскіх гульні пройдзе на мінскім стадыёне "Дынама" 19 чэрвеня, паведамляе БЕЛТА.
На дадзены момант на галоўнай арэне ідзе мантаж абсталявання да маючага адбыцца шоу. Зводныя рэпетыцыі пачнуцца 15 чэрвеня, а 19-га - генеральная, у якой будзе задзейнічана 3 тыс. валанцёраў. На цырымоніі адкрыцця II Еўрапейскіх гульняў 21 чэрвеня, як паведамлялася, выступяць оперная спявачка Ганна Нятрэбка і папулярны спявак Дымаш Кудайберген з Казахстана.
На стадыёне "Дынама" сёння больш за сотню валанцёраў правялі чарговы трэнінг па функцыянальных напрамках да спартыўнага форуму. Як адзначыла вядучы спецыяліст па арганізацыі працы валанцёрскіх цэнтраў дырэкцыі Марыя Воінава, на "Дынама", як адзін з ключавых аб'ектаў, адабраныя людзі, якія ўжо раней выступалі ў ролі валанцёраў на стадыёне падчас адкрыцця аб'екта пасля рэканструкцыі і футбольнага матчу, тэставых спаборніцтваў па лёгкай атлетыцы, іншых важных мерапрыемстваў.
Фота БЕЛТА
Канцэрт для дзяцей і моладзі, пластычны спектакль Ягора Дружыніна і «Рок-панарама».