Вы тут

Паведамленні аб ілжывым мінаванні ў Беларусі паступалі з-за мяжы


У аўторак у Мінску быў урачыста адкрыты новы будынак Партызанскага РУУС. Чатырохпавярховы дом месціцца на вуліцы Ваўпшасава. Павіншаваць супрацоўнікаў прыехалі, міністр унутраных спраў Рэспублікі Беларусь Ігар Шуневіч, яго намеснік Аляксандр Барсукоў, начальнік ГУУС Мінгарвыканкама Іван Кубракоў, намеснік старшыні Мінгарвыканкама Арцём Цуран.


Міліцыя Партызанскага раёна вядзе адлік з 1977 года. Увесь гэты час РУУС знаходзіўся ў старым будынку ў нетрах пасёлка МТЗ. На будаўніцтва новага аб'екта было затрачана шмат часу – каля васьмі год. І вось нарэшце пераезд адбыўся.

– Гэта знакавы дзень, – кажа начальнік Партызанскага РУУС Мінска падпалкоўнік Дзмітрый Бурдзюк. – Тут будуць размешчаны ўсе службы і падраздзяленні, якія адносяцца да Упраўлення ўнутраных спраў раёна. Раней мы размяшчаліся ў некалькіх будынках, цяпер аддзел па грамадзянстве і міграцыі, дзяжурная служба, крымінальная міліцыя, міліцыя грамадскай бяспекі, ДАІ сабраны ў адно цэлае. І больш за тое – у новым будынку ёсць тое, пра што ў старым мы маглі толькі марыць – цір, трэнажорны зал, спартыўная пляцоўка. Таксама каля РУУС з'явілася вялікая гасцявая паркоўка. Дзякуючы гэтаму легкавымі аўтамабілямі наведвальнікаў не будуць абцяжараны размешчаныя побач вуліцы і двары.

Высокія госці прыехалі з падарункамі. Ад міністра ўнутраных спраў РУУС атрымала новы аўтамабіль Geely Atlas, а ад начальніка ГУУС Мінгарвыканкама - Geely Emgrand.

Ігар Шуневіч падчас гутаркі з журналістамі асобна спыніўся на нядаўніх выпадках ілжывага "мініравання" буйных аб'ектаў, у тым ліку гандлёвых цэнтраў.

– Пакуль зламыснікаў затрымаць не ўдалося. Але магу паведаміць, што яны знаходзяцца за мяжой. Мы ўсталявалі, дзе знаходзяцца серверы. У Беларусі такія ілжэмінёры заўжды затрымліваліся. Таму прыцягненне да адказнасці замежных "жартаўнікоў" – справа будучыні.

Аднак ужо выпрацаваны механізм рэагавання на такія паведамленні. Асабліва гэта важна ў кантэксце маючых адбыцца ІІ Еўрапейскіх гульняў.

– Тыя аб'екты, якія будуць задзейнічаны на спартыўных спаборніцтвах, мы бярэм пад кругласутачную ахову. Мы загадзя правяраем іх з дапамогай сапёрных і піратэхнічных груп, а таксама службовых жывёл і спецыяльнай апаратуры. Таму, калі і з'явяцца нейкія паведамленні, то яны не ўнясуць гармідар у арганізацыю мерапрыемстваў. Рэагаваць будзем у любым выпадку.

Валяр'ян ШКЛЕННІК

Фота БЕЛТА

Выбар рэдакцыі

Грамадства

Беласнежныя мары. Чаму на Навагрудчыне выцінанку называюць выбіванкай

Беласнежныя мары. Чаму на Навагрудчыне выцінанку называюць выбіванкай

Папера стала выдатнай альтэрнатывай дарагім ажурным тканінам.

Грамадства

Жыццё Юліі Пярцовай: Шчыры аповед пра сям’ю, работу і пераадоленні нягод

Жыццё Юліі Пярцовай: Шчыры аповед пра сям’ю, работу і пераадоленні нягод

У прамым эфіры тэлеканала «Беларусь-1» Юлія расказвае аб падзеях у Беларусі.

Калейдаскоп

Як добра вы памятаеце ўсе Канстытуцыі Беларусі? Тэст

Як добра вы памятаеце ўсе Канстытуцыі Беларусі? Тэст

За адно стагоддзе Беларусь жыла па пяці розных Асноўных Законах.