Вы тут

Як вырасціць лаванду на дачным садовым участку


Наяўнасць лаванды на дачным садовым участку можна адчуць па асаблівым водары. Шэра-зялёныя кусцікі з дробнымі кветкамі — нядрэнны меданос, які валодае шэрагам гаючых уласцівасцяў.


Фота: dachnikam.ru

Гэта расліна вельмі непатрабавальная ў доглядзе. Дастаткова падрэзаць кусцікі лаванды пасля чарговага этапу цвіцення, як яны зноў выпускаюць кветаносныя парасткі. Культура гэтая вільгацелюбівая і таму заўсёды мае патрэбу ў рэгулярных палівах. Асабліва гэта праяўляецца ў цёплы і засушлівы перыяд. Каб лаванда добра прыжылася на дачным участку, пажадана падбіраць яе сарты ад мясцовых селекцыянераў. Перад пасадкай кусцік трэба змясціць на гадзіну-паўтары ў летнюю ваду. Затым бяром і высаджваем яго на градку. Каб расліна добра кусцілася, перад пасадкай трэба будзе зрэзаць верхавінку. Залішнія карані і ніжнія галінкі з лісцем таксама неабходна выдаліць. Глыбіня пасадачнай ямы для сярэднярослай лаванды (да 40 см) складае каля 30 см, як і адлегласць паміж кусцікамі.

Прывабна выглядае гэтая расліна, калі пасаджана ўздоўж садовых дарожак. Галоўнае пры доглядзе лаванды — правільна стрыгчы такія «бэзавыя бардзюры». Ідэальны дуэт ружы і лаванды ў кветніку стварае гармонію колеру і паху. Дарэчы, існуе дастаткова шмат відаў гэтай кветкі. Апетая Сафіяй Ратару, у многіх нашых суайчыннікаў яна выклікае лёгкую настальгію, а таксама пяшчотныя рамантычныя пачуцці. Гэты мяккі кветкавы пах многіх уражвае дзякуючы сваім духмяным эфірным алеям. Яшчэ ў Старажытным Рыме лаванду выкарыстоўвалі падчас купання, дадаючы ў ванну. А вось дубчыкі лаванды спальвалі, каб засцерагчы свой дом. Лаванду шырока выкарыстоўваюць у парфумерыі, паколькі лавандавы араматычны алей супакойвае, здымае стрэс, стомленасць і галаўны боль.

Ведайце таксама, што лаванда больш любіць бедныя, чым цяжкія вільготныя глебы. Размнажаць яе можна чаранкамі і насеннем. Дарослая расліна дастаткова марозаўстойлівая, яна можа перажыць да 30 градусаў ніжэй нуля.

Высаджваюць лаванду часцей за ўсё ў кастрычніку, а калі рабіць гэта насеннем — то можна і крыху пазней, да надыходу маразоў. Расліна патрабуе шмат святла і цяпла. Вясной яе кусты абразаюць, а як толькі зацвіце — збіраюць «ураджай». Каб правільна засушыць суквецці, трэба выбраць зацененае месца, якое добра праветрываецца.

Сёння многія выкарыстоўваюць лаванду як жаўцягонны, антысептычны, антытаксічны, загойвальны і абязбольвальны сродак. Лавандай нават запраўляюць гародніну і рыбу, салаты і бараніну. А вось у супермаркетах можна знайсці травяную гарбату з утрыманнем гэтых духмяных сініх кветак. Зрэшты, навошта вам супермаркет, калі лаванда расце на дачы проста пад акном?

Яўген Салановіч, дачнік са шматгадовым вопытам

Загаловак у газеце: Вабная лаванда

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.