Вы тут

У Брэсце адкрылі новы корпус бальніцы


У Брэсце ўрачыста адкрылі прыбудову да прыёмнага аддзялення гарадской бальніцы хуткай медыцынскай дапамогі.


Гэта сціпла называецца «прыбудова», а насамрэч узведзены новы трохпавярховы корпус прыёмнага аддзялення. А паколькі ўказаная бальніца знаходзіцца на цэнтральнай вуліцы Леніна побач з аднайменнай плошчай, то пад'езд да прыёмнага пакоя бальніцы з вуліцы быў вельмі нязручны. Цяпер уваход у прыёмнае аддзяленне размяшчаецца ў двары. І гэта зусім іншы ўзровень камфорту. Пра неабходнасць будаўніцтва гаварылі даўно,
і вось корпус здадзены пад ключ.

Тут ёсць лабараторыі і розная сучасная апаратура. Сюды нядаўна завезены два новыя тамографы: рэнтгенаўскі камп'ютарны тамограф і апарат МРТ агульным коштам больш за 3 мільёны рублёў. Расходы па набыцці апаратаў узяло на сябе Міністэрства аховы здароўя. А будаўніцтва прыбудовы фінансаваў гарадскі бюджэт.

Павіншаваць бальніцу з наваселлем прыйшоў старшыня Брэсцкага аблвыканкама Анатоль ЛІС.

Святлана ЯСКЕВІЧ

Загаловак у газеце: Новы корпус бальніцы

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».