Спектакль «Чорная панна Нясвіжа» паводле п'есы Аляксея Дударава цяпер можна не толькі ўбачыць, але і пачуць — у пастаноўцы канала «Культура» Беларускага радыё. Прэм'ера яго адбудзецца ў праграме «Радыётэатр плюс» 23 чэрвеня а 19-й гадзіне — у эфіры, а таксама на сайце www.radіokultura.by.
Як сцвярджае дырэктар канала «Культура» Уладзімір Трапянок, знакамітая легенда не страчвае актуальнасці і ў наш час: «Мы вырашылі запісаць спектакль «Чорная панна Нясвіжа» для захоўвання ў радыёфондах, што зробіць яго даступным для мільённай аўдыторыі і цяпер, і ў наступныя дзесяцігоддзі. У супольнай рабоце акцёраў-купалаўцаў, каманды канала і кампазітара Віктара Капыцько атрымаўся сапраўдны гімн вялікаму каханню, якое не мае межаў».
У пастаноўцы ўдзельнічалі Валянціна Гарцуева (Барбара Радзівіл), Павел Астравух (кароль Жыгімонт), Ала Ельяшэвіч (Бона Сфорца), Ігар Дзянісаў (Радзівіл Руды), Аляксандр Паўлаў (Радзівіл Чорны) і іншыя акцёры тэатра імя Янкі Купалы, а таксама аўтар п'есы Аляксей Дудараў, які выканаў ролю вядучага.
Вікторыя ЗАХАРАВА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.